Aýa raıy
Astana -10 °S
Almaty -12 °S
valıýta baǵamy
USD 421.58
EUR 496.83
RUB 5.53
CNY 62.20

Túlkibas aýdanynda jańa emhana salynatyn boldy

2020 jyldyń 29 qarasha 2020 15:48

TÚLKІBAS. QazAqparat – Túrkistan oblysy Túlkibas aýdanynda jańa emhana salynatyn boldy, dep habarlaıdy QazAqparat tilshisi.

7 myńnan astam halyqqa qyzmet kórsetetin ári jarty ǵasyr buryn qabyrǵasy qalanǵan emhana ǵımaratynyń ábden tozyǵy jetken.

Oblys ákimi Ómirzaq Shókeev Túlkibas aýdanyna jasaǵan jumys saparynda apatty dep tanylǵan dárigerlik ambýlatorııada boldy. Ǵımarat qurylysy keler jyly bastalady.




Jańadan boı kóteretin dárigerlik ambýlatorııa zamanaýı úlgide jasaqtalyp, bir aýysymda 75 kelýshini qabyldaı alady.

Medıtsına uıymdarynyń jaı-kúıimen tanysqan aımaq basshysy aýdandyq ortalyq aýrýhanada júrgizilip jatqan kúrdeli jóndeý jumystarymen tanysty.




Aýrýhanaǵa qarasty 5 ǵımaratta kúrdeli jóndeý jumysy qolǵa alynǵan. Qazirgi tańda bul jumystar jalǵasýda.

Ómirzaq Estaıuly kúrdeli jóndeýden ótken aýrýhanadaǵy qurylys sapasyna oń baǵasyn berip, jumysty qatań baqylaýda ustaýdy mindettedi.

Al, ortalyq aýrýhanada 100 myńǵa jýyq halyqqa ambýlatorııalyq-emhanalyq, statsıonarlyq, statsıonardy almastyratyn kómek jáne konsýltatıvti-dıagnostıkalyq qyzmet túrleri kórsetiledi.

Onda 1 myńnan astam medıtsına qyzmetkeri jumys isteıdi.











Joǵary qaraı