Aýa raıy
Astana 1 °S
Almaty 6 °S
valıýta baǵamy
USD 421.58
EUR 496.83
RUB 5.53
CNY 62.20

Túlkibas aýdanynda jańa kópir salyndy, joldar jóndelýde

2020 jyldyń 25 qyrkúıek 2020 14:03

TÚLKІBAS. QazAqparat – Túrkistan oblysyna qarasty Túlkibas aýdanynda kóp jyldardan beri kópir salý máselesi sheshimin tappaı kelgen edi. Mine endi jańa kópir el ıgiligine berildi. Sondaı-aq, Túlkibas kentinde 15 kóshe jóndeýden ótýde, dep habarlaıdy QazAqparat tilshisi.

Búgingi kúnge deıin Qaraǵashty aýylynyń turǵyndary aýdan ortalyǵyna barý úshin ózennen ótýi tıis bolǵan. Amalsyzdan 3 shaqyrym joldy aınalyp ótip, jaıaý qatynap kelgen edi. Bıyl osy ózenniń ústinen kópir qurylysy qolǵa alynyp, tapsyryldy. Sondaı-aq, munda túngi jaryqtandyrý shamdary qoıylǵan. Múmkindigi shekteýli jandardyń júrip-turýyna da barlyq jaǵdaılar qarastyrylǵan.

Al, Túlkibas kentinde «Aýyl-El besigi» baǵdarlamasy aıasynda joldar retke keltirilýde. Aýyldaǵy joldar aǵymdaǵy jáne kúrdeli jóndeýden ótkizilip, qarasha aıynda paıdalanýǵa berilmek.





Jalpy, aýdan aýmaǵynda uzyndyǵy 67,88 shaqyrym bolatyn 54 jolǵa kúrdeli jáne ortasha jóndeý jumystary júrgizilýde. Búgingi tańda atalmysh joldardyń 8-i tolyq paıdalanýǵa berilgen. Qalǵan jumystar bıylǵy jyldyń qyrkúıek-qazan aılarynda aıaqtalady dep josparlanyp otyr.








Avtor Aınur Aqbaeva
Basty sózder: Qurylys, Jol, Túrkistan oblysy,
Joǵary qaraı