Aýa raıy
Astana -10 °S
Almaty -12 °S
valıýta baǵamy
USD 421.58
EUR 496.83
RUB 5.53
CNY 62.20

Túlkibas aýdanynda jolda qalǵan jolaýshylarǵa ystyq tamaq berildi

2020 jyldyń 29 qarasha 2020 01:47

TÚLKІBAS. QazAqparat – Túrkistan oblysynyń Túlkibas aýdanda Jambyl oblysymen shektesken tusta qolaısyz aýar raıynyń saldarynan jolda qalǵan jolaýshylarǵa ystyq as pen sýsyn taratyldy, dep habarlaıdy QazAqparat tilshisi.

Aýdan ákimdigi baspasóz qyzmetiniń málimetinshe, Shaqpaq baba aýylynyń meshiti men mádenıet úıinde 200 jolaýshyǵa arnalǵan jylytý oryny uıymdastyrylǵan. «Almaty-Tashkent» tas jolynyń jabylýyna baılanysty shuǵyl aýdandyq tótenshe jaǵdaılar shtabynyń otyrysy ótti. Onda jol boıynda turyp qalǵan júrgizýshilerge kómektesý máselesi talqylandy.

Eske salaıyq, buǵan deıin Jambyl men Túrkistan oblysynyń shekarasyndaǵy jol ýchaskesinde 100-ge jýyq júk kóligi jınalyp qalǵanyn habarlaǵan bolatynbyz. Jambyl oblysynyń TJD málimetinshe, respýblıkalyq mańyzy bar joldyń Túrkistan oblysy jaǵynan 585 shaqyrym jerinde 200 metrge jýyq jerdi qalyń qar basyp qalǵan. Al, Jambyl oblysy baǵytynyń 564-567 shaqyrymynda 300 metrge jýyq jerde júk kólikteriniń jınalýyna osy aýmaqta 6 jeńil kóliktiń soqtyǵysýy sebepshi bolǵany belgili.


Avtor Aınur Aqbaeva
Basty sózder: Kólik, Jol, Túrkistan oblysy,
Joǵary qaraı