Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tuman, kóktaıǵaq, jaıaý burqasyn: 1 jeltoqsan kúngi aýa raıy

2021 jyldyń 1 jeltoqsan 2021 02:08

NUR-SULTAN. QazAqparat – 1 jeltoqsan kúni Qazaqstannyń batys óńirlerine soltústik-batys tsıklonynyń jyrasy áser etetin bolady, soǵan baılanysty jańbyr men qar túrinde jaýyn-shashyn, kóktaıǵaq, jaıaý burqasyn bolady. Respýblıkanyń basym bóliginde antıtsıklon jotasynyń yqpalynan jaýyn-shashynsyz aýa raıy saqtalady. El boıynsha keı jerlerde tuman, kóktaıǵaq, jeldiń kúsheıýi kútiledi, dep habarlaıdy QazAqparat Qazgıdrometke silteme jasap.

Batys Qazaqstan oblysynyń soltústiginde tuman, kóktaıǵaq, batysynda, soltústik-batysynda jeldiń 15-20 m/s kúsheıýi kútiledi.

Atyraý oblysynyń soltústik-batysynda jáne ortalyǵynda tuman, kúndiz oblystyń batysynda jel 15-20 m/s artady.

Mańǵystaý oblysynyń batysynda tuman, oblystyń ortalyǵynda 15-20 m/s ekpinde jel bolady.

Túnde Aqtóbe oblysynyń batysynda kóktaıǵaq, jaıaý burqasyn boljanady. Óńirdiń batysynda, soltústiginde jáne ortalyǵynda jel 15-20 m/s kúsheıetini kútiledi.

Qostanaı oblysynda jel 15-20 m/s kúsheıedi, oblystyń batysynda, soltústiginde kóktaıǵaq, tuman, jaıaý burqasyn bolady.

Soltústik Qazaqstan, Aqmola oblystarynyń soltústik-batysynda jel 15-20 m/s kúsheıip, kúndiz Soltústik Qazaqstan oblysynda jaıaý burqasyn, kóktaıǵaq kútiledi.

Qyzylorda oblysynyń soltústiginde, Jambyl oblysynyń taýly jáne taý bókterli aýdandarynda tuman bolady.

Almaty oblysynyń Alakól kólderi aýdanynda jeldiń ekpini 28 m/s artady.

Basty sózder: Qazgıdromet, Aýa raıy,
Joǵary qaraı