Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Tuman, jaýyn, jel - beısenbige arnalǵan aýa raıy boljamy

2022 jyldyń 19 mamyr 2022 00:16

NUR-SULTAN. QazAqparat - Qazgıdromet 19 mamyrǵa arnalǵan aýa raıy boljamyn jarııalady, dep habarlaıdy QazAqparat.

Aldaǵy táýlikte Qazaqstan terrıtorııasyna antıtsıklon yqpalyn tıgizedi. QR basym bóliginde jańbyr, soltústik pen ońtústik-shyǵysta qatty jańbyr jaýady, naızaǵaı, burshaq, daýyl, jeldiń kúsheıýi, batys, soltústik pen ortalyqta túnde jáne tańerteń tuman túsedi.

Aqmola, Soltústik Qazaqstan, Qostanaı oblystarynyń basym bóliginde jeldiń 15-20, kúndiz ekpini 23-28, soltústik-shyǵysta keı ýaqyttarda 30 m/s jáne odan asa kúsheıýi, soltústigi, batysy men shyǵysynda burshaq, daýyl soǵady.

Qaraǵandy oblysynda jeldiń túnde soltústigi men batysynda 15-20 m/s, kúndiz basym bóliginde 15-20, ekpini 23-28, soltústiginde 30 m/s jáne odan asa kúsheıýi, túnde soltústigi men shyǵysynda tuman túsedi.

Túrkistan oblysynyń taýlarynda daýyl, jeldiń 15-20 m/s kúsheıýi kútiledi.

Batys Qazaqstan oblysynyń soltústigi men ońtústiginde burshaq, daýyl, kúndiz soltústigi, soltústik-shyǵysynda jeldiń 15-20 kúsheıýi kútiledi. Pavlodar oblysynyń basym bóliginde kúndiz jeldiń 15-20, batysynda ekpini 23 m/s kúsheıýi, túnde batysynda tuman túsedi.

Shyǵys Qazaqstan oblysynyń soltústigi, ońtústigi men ortalyǵynda burshaq, jeldiń 15-20, ekpini 23 m/s kúsheıýi kútiledi. Jambyl oblysynyń ońtústigi men taýly aýdandarynda burshaq, daýyl, ońtústik-batysy, soltústik-shyǵysy men taýly aýdandarynda jeldiń 15-20 m/s kúsheıýi kútiledi.

Aqtóbe oblysynyń soltústigi men shyǵysynda, kúndiz Qyzylorda oblysynyń ortalyǵynda jeldiń 15-20 m/s kúsheıedi.

Mańǵystaý oblysynyń batysynda túnde jáne tańerteń tuman kútiledi.

Shyǵys Qazaqstan oblysynyń Jarma aýdanynda, Qyzylorda oblysynyń ortalyǵynda órt qaýipi joǵarlaıdy.


Basty sózder: Qazgıdromet, Aýa raıy,
Joǵary qaraı