Aýa raıy
Astana -1 °S
Almaty -2 °S
valıýta baǵamy
USD 421.58
EUR 496.83
RUB 5.53
CNY 62.20

Tumaýǵa qarsy tegin vaktsınany kimder úıinen ala alady

2020 jyldyń 23 qyrkúıek 2020 17:22

ALMATY. QazAqparat –Almatyda múmkindigi shekteýli adamdar tumaýǵa qarsy vaktsınany úıde alady. Bul týraly onlaın brıfıng barysynda №24 qalalyq emhananyń bas dárigeri Jámılá Battaqova aıtty, dep habarlaıdy QazAqparat tilshisi.

Dárigerdiń aıtýynsha, búgingi kúni emhana mamandary tumaýǵa qarsy ekpeni 1712 adamǵa saldy. Onyń 12-si vaktsınany úıinen aldy.

Sonymen qatar, ol egde jastaǵy, múmkindigi shekteýli jandarǵa jáne emhanaǵa bara almaıtyn adamdarǵa mobıldi brıgadalar úıde qyzmet kórsetetinin atap ótti.

«Emhanaǵa barýǵa múmkindigi bolmaǵan jaǵdaıda, mobıldi brıgadalar emdelýshilerge barady. Mobıldi brıgadalarǵa - dáriger men medbıke kiredi. Olar daıyndyq kýrsynan ótken mamandar. Sonymen qatar, barlyq qajetti erejelerdi saqtaıdy. Osylaısha, vaktsına protsedýrasyn úıde júrgizýge bolady. Dáriger aldyn ala mindetti túrde barlyq patsıentti qarsy kórsetilimi bar-joqtyǵyn tekseredi. Ári qaraı vaktsına protsedýrasyn arnaıy daıyndalǵan medıtsına qyzmetkerleri júrgizedi», – dedi Jámılá Battaqova.

Aıta ketý kerek, tegin vaktsına kelesi sanattaǵy azamattarǵa qol jetimdi:

- epıdemııalyq kórsetkishter boıynsha adamdarǵa;

- júrek-qantamyr júıesiniń sozylmaly aýrýlary bar adamdar;

- ekinshi nemese úshinshi trımestrdegi júkti áıelderge;

- medıtsınalyq-áleýmettik mekemelerdiń qyzmetterin alýshylarǵa;

- Memlekettik mekemelerdiń medıtsına qyzmetkerleri;

- jetim balalar men ata-anasynyń qamqorlyǵynsyz qalǵan balalarǵa arnalǵan bilim berý uıymdarynyń, balalar úıleriniń balalary;

- medıtsınalyq uıymdarda medıtsınalyq baqylaýǵa jatatyn balalar;

- alty aıdan asqan jıi aýyratyn balalar;

- tergeý ızolıatorlaryndaǵy adamdar.

Tegin vaktsına turǵylyqty jeri nemese tirkelgen jeri boıynsha emhanalarda júrgiziledi.


Avtor Alma Muqanova
Basty sózder: Almaty, Vaktsına, Koronavırýs,
Joǵary qaraı