Aýa raıy
Astana -27 °S
Almaty -2 °S
valıýta baǵamy
USD 421.58
EUR 496.83
RUB 5.53
CNY 62.20

Tuńǵysh Prezıdent kúni: Atyraýda «Memlekettik qyzmetshiler alleıasy» ashyldy

2020 jyldyń 28 qarasha 2020 08:39

ATYRAÝ. QazAqparat – Atyraýda «Memlekettik qyzmetshiler alleıasy» ashyldy, dep habarlaıdy QazAqparat.

Atyraýda 1 jeltoqsan – Tuńǵysh Prezıdent kúnine oraı «Memlekettik qyzmetshiler alleıasynyń» ashylý saltanaty ótti. Sharaǵa oblys ákimi Mahambet Dosmuhambetov qatysty.

QR Memlekettik qyzmet isteri agenttiginiń Atyraý oblysy boıynsha departamentiniń basshysy Salaýat Múksimovtiń aıtýynsha, alleıada áınekten jasalǵan 11 stend ornalastyrylǵan. Onda elimiz táýelsizdik alǵan sátinen beri memlekettik qyzmetti damytýdyń mańyzdy úsh kezeńi qamtylǵan. Stendterde memlekettik qyzmettiń ashyqtyǵy men jarııalylyǵynyń kórinisi sıpattalǵan.




«Alleıa «Halyq únine qulaq asatyn memleket» tujyrymdamasyn iske asyrýǵa úles qosyp júrgen memlekettik qyzmetshiniń eńbek jolyn odan ári ulyqtaı túserine senimdimiz. Munda áınekten jasaqtalǵan stendter men memlekettik qyzmetke jańadan kelgen qyzmetshilerdiń ashyq aspan astynda ant qabyldaýyna arnalǵan ortaq alań jasalǵan», - deıdi Salaýat Múksimov.





Joǵary qaraı