Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Tuńǵysh Prezıdentpen eshqandaı saýdalastyq bolǵan joq – Qasym-Jomart Toqaev

2022 jyldyń 29 qańtar 2022 20:43

NUR-SULTAN. QazAqparat – Memleket basshysy Qasym-Jomart Toqaev «Habar» jáne «Habar 24» telearnalaryna bergen suhbatynda Tuńǵysh Prezıdent Nursultan Nazarbaevpen qarym-qatynasy týraly aıtty, dep habarlaıdy QazAqparat.

Suhbat júrgizýshisi Vera Zaharchýk «Tuńǵysh Prezıdentpen arada qandaı da bir kelisim nemese ýaǵdalastyqtaryńyz bar ma? Ol birneshe kún kórinbeı qalǵanda, arańyzda birqatar suraqtar boıynsha, basymdyqtar men qol suǵylmaýshylyq, onyń otbasyna artyqshylyqtar boıynsha saýdalastyq boldy degen pikirler bar» degen suraq qoıdy.

«Joq, árıne eshqandaı saýdalastyq bolǵan joq, jeke basymdyqtary týraly da sóz bolmady. Jalǵyz áńgime – Qaýipsizdik Keńesiniń Tóraǵasy mártebesi máselesin tez arada sheshý qajet boldy. Jasyrary joq, jaǵdaı kúrdelengen sátte halyqqa úndeý jasaımyn, osy sátten bastap Qaýipsizdik Keńesiniń Tóraǵasy ózim bolatynymdy jarııalaımyn degen máseleni ashyq kóterdim. Bul másele sol sátte-aq sheshildi», - dedi Prezıdent.

Sonymen birge, Memleket basshysy 28 qańtarda Nur Otan partııasynyń kezekten tys sezi ótkenin eske saldy.

«Men onda sóz sóılep, Nursultan Ábishuly Nazarbaevtyń tarıhı róline baǵa berdim. Bul baǵa óte ádiletti dep esepteımin jáne keleshekte adamdar osy sıpattamaǵa baǵdarlanady dep úmittenemin», - dedi Q. Toqaev.


Joǵary qaraı