Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Turǵyn úı baǵasy jyl saıyn 10-15% ósip otyrady – Talǵat Erǵalıev

2021 jyldyń 24 qyrkúıek 2021 16:39

NUR-SULTAN. QazAqparat – Baspana baǵasy jyl saıyn qurylys maýsymy qyzǵan tusta ósedi. Bul jyl saıyn qaıtalanatyn qubylys. BAQ ókilderine baspana baǵasynyń boljamy týraly pikir bildirgen Qazaqstan Qurylysshylar odaǵynyń basshysy Talǵat Erǵalıev osyndaı oı aıtty, dep habarlaıdy QazAqparat tilshisi.

«Turǵyn úı qurylysynyń quny jyl saıyn 10% -15%-ǵa ósip otyrady dep nyq senimmen aıtýǵa bolady. Bul eń tómengi shegi. ıAǵnı, osy paıyzben boljasańyz qatelespeısiz. Bizde baǵa kóktem saıyn kóteriledi. Kún jylyǵan saıyn baǵa da óse beredi. Óıtkeni qurylys jumystary qyzyp, materıalǵa suranys artady. Al qysta ondaı ekpin bolmaıdy», - dedi Talǵat Erǵalıev Qurylysshylar odaǵynyń otyrysynda.

Atalmysh shara aldynda BAQ ókilderine bergen suhbatynda Talǵat Erǵalıev memlekettik baǵdarlamalar boıynsha beriletin turǵyn úı sapasyna syn nege kóp aıtylatynyn túsindirgen bolatyn.

«Kommertsııalyq turǵyn úı men memlekettik baǵdarlamalar boıynsha boı kótergen turǵyn úı sapasy ártúrli. Memlekettik baǵdarlamalar boıynsha salynǵan baspananyń sapasy nege nashar? Bıyl memlekettik baǵdarlamalar boıynsha turǵyn úı qurylysyn júzege asyrýǵa konkýrs ótkizildi. Onyń qarajaty 2020 jyly bıýdjetke engizilip qoıǵan. Al smeta tipti 2019 jyly jasalǵan. Úsh jyl ishinde materıaldardyń quny da, jumystyń quny da qymbattady», - dedi Talǵat Erǵalıev qurylysshylar odaǵy otyrysynyń aldynda BAQ ókilderine bergen suhbatynda.


Avtor Esimjan Naqtybaı
Basty sózder: Qurylys, Turǵyn úı,
Joǵary qaraı