Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Turǵyn úı máselesi: Elordada MIB-ke ótýde qandaı qıyndyqtar kezdesedi

2021 jyldyń 4 jeltoqsan 2021 19:55

NUR-SULTAN. QazAqparat - Nur-Sultanda 3097 kóppáterli turǵyn úı kesheni (KPTÚ) bar, onyń 2 859-y KPTÚ (MIB) kóshýge jaramdy (238 KPTÚ MIB-ke kire almaıdy, olar apattyq jaǵdaıdaǵy úıge jatady). Bul týraly qala ákimdiginiń resmı saıty habarlady.

Búgingi tańda 1 657 KPTÚ (58%) basqarýdyń jańa nysandaryna kóshti.

Ákimshilik jáne quqyqtyq súıemeldeýdi júzege asyratyn «MIB ortalyǵy» quryldy.

Ortalyq aı saıyn 350-ge jýyq menshik ıesine KPTÚ basqarý máseleleri boıynsha keńes beredi.

KPTÚ turǵyndarymen turaqty túrde jınalystar ótkiziledi, úılerdi aralaý júzege asyrylady. Qabyldanǵan sharalarǵa qaramastan MIB-tiń qurylýyna kedergi keltiretin birqatar problema bar.

Birinshi, 2-5 qabatty kópqabatty úılerdiń MIB-ke kóshkende jeke shot ashý barysynda tehnıkalyq qyzmet kórsetýde qarajattyń ósýine ákeledi.

Aıta keteıik, elordada 1 500 KPTÚ ornalasqan (5 qabatty úı, páterler sany 80-100), qyzmet kórsetý tarıfi orta eseppen 35-45 tg quraıdy.

Sonymen qatar, osy tıptegi úılerde ınjenerlik júıelerdiń, shatyrdyń, qasbettiń tozatynyn aıtyp ótken jón. MIB-ter jańa zańdy tulǵalar retinde qurylady jáne kúrdeli jumys túrlerine qarajat jınaýǵa múmkindigi bolmaıdy. Alǵashqy kúnnen bastap úıdi qalpyna keltirý jumystaryna kirisý qıyndyq týdyrady.

Ekinshi. «Turǵyn úı qatynastary týraly» zańda kondomınıým obektisin basqarý nysandarynyń JShS, PIK, JK, QB, TQK jáne t.b. ókilderi ókilettikterin jańadan qurylǵan MIB-qa berýde jaýapkershilik sharasy qarastyrylmaǵan.

«Turǵyn úı qatynastary týraly» Zańǵa engizilmegen basqarýdyń burynǵy nysandarynyń basshylary MIB-tiń qyzmetine jasandy túrde kedergi keltiredi, bul uzaq sot protsesterine jáne qarjylyq shyǵyndarǵa ákeledi.

Basty sózder: Nur-Sultan, Turǵyn úı,
Joǵary qaraı