Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Túrikmenstan basshysyna QR Prezıdentiniń AÓSShK sammıtine shaqyrýy tabystaldy

2022 jyldyń 5 mamyr 2022 22:13

AShǴABAT. QazAqparat – Qazaqstan Respýblıkasynyń Túrikmenstandaǵy Tótenshe jáne ókiletti elshisi Asqar Tájibaev Túrikmenstan Prezıdenti Serdar Berdimuhamedovke Nur-Sultan qalasynda ótetin Azııadaǵy ózara is-qımyl jáne senim sharalary keńesiniń sammıtine qatysýǵa Memleket basshysy Qasym-Jomart Toqaevtyń shaqyrý hatyn tabys etti, dep habarlaıdy QazAqparat.

QR Syrtqy ister mınıstrliginen málim etkendeı, búgin Asqar Tájibaev Túrikmenstan basshysyna senim gramotalaryn tabystady.

Budan bólek, elshi S. Berdimuhamedovke Qazaqstan Prezıdenti Qasym-Jomart Toqaevtyń atynan 2022 jylǵy 12-13 qazanda Nur-Sultan qalasynda ótetin Azııadaǵy ózara is-qımyl jáne senim sharalary keńesiniń sammıtine qatysýǵa shaqyrý hatyn tabys etti. Túrikmenstan basshysy shaqyrýdy rızashylyqpen qabyldady.

«Resmı rásimnen keıingi suhbat barysynda taraptar qazaqstan-túrikmen qatynastarynyń joǵary deńgeıin qanaǵattanýshylyqpen atap ótti. Saıası, saýda-ekonomıkalyq jáne mádenı-gýmanıtarlyq salalardaǵy ekijaqty yntymaqtastyqtyń ózekti máseleleri talqylandy.

Qazaqstan Prezıdenti Qasym-Jomart Toqaevtyń Ashǵabatqa memlekettik saparynyń, sondaı-aq Ortalyq Azııa memleketteri basshylarynyń Úshinshi konsýltatıvtik kezdesý aıasyndaǵy eki el basshylary kezdesýiniń qorytyndysy boıynsha qol jetkizilgen ýaǵdalastyqtardy iske asyrý máselesine erekshe nazar aýdaryldy», - delingen taratylǵan málimette.











Joǵary qaraı