Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Túrki akademııasy AQSh-taǵy Kaspıı Saıasat Ortalyǵymen tyǵyz yntymaqtastyq ornatpaq

2021 jyldyń 13 shilde 2021 15:14

NUR-CULTAN. QazAqparat - AQSh-taǵy Kaspıı Saıasat Ortalyǵynyń (Caspian Policy Center) delegatsııasy Túrki akademııasyna keldi. Bul týraly QazAqparat akademııanyń baspasóz qyzmetine silteme jasap habarlaıdy.

SRS Bas dırektory Efgan Nıftı basshylyǵyndaǵy delegatsııa quramynda AQSh–tyń Qazaqstandaǵy burynǵy elshisi jáne CPC Basqarma keńesiniń múshesi Rıchard E. Hoagland, CPC baǵdarlama mamany Djeremı Koen boldy. Mártebeli meımandardy Túrki akademııasynyń basshysy Darhan Qydyráli qarsy aldy. Eki jaqty kezdesý barysynda atalǵan ortalyq pen Túrki akademııasy arasynda turaqty áriptestik baılanys ornatý máseleleri talqylandy.




Túrki akademııasynyń prezıdenti Darhan Qydyráli uıymnyń maqsaty men qyzmeti týraly keńinen málimet berip, BUU, ıÝNEKO jáne ISESKO sııaqty irgeli halyqaralyq uıymdardyń shtab-páterlerinde Akademııa tarapynan uıymdastyrylǵan is-sharalar jóninde aıtty.

Óz kezeginde delegatsııa jetekshisi Efgan Nıftı CPC-tyń AQSh-taǵy Kaspıı mańy aımaǵy týraly zertteýler júrgizetin mańyzdy saraptama ortalyǵy ekenine toqtaldy. Sondaı-aq ol Nur-Sultan qalasyna alǵashqy resmı sapary aıasynda Akademııaǵa kelegenin mártebe sanaıtynyn jetkizdi.




Kezdesýde sóz alǵan Elshi Rıchard E. Hoagland óziniń birneshe jyldar boıy Qazaqstan men Ázerbaıjanda qyzmet etkenin jáne Ortalyq Azııa aımaǵynyń halyqaralyq arenadaǵy mańyzy edáýir artqanyn atap ótti.

Túrki akademııasy júzege asyrǵan jobalardy joǵary baǵalaǵan delegatsııa basshysy Efgan Nıftı Kaspıı saıasat ortalyǵynyń Akademııamen tyǵyz yntymaqtastyq ornatýǵa yntaly ekenin málimdedi.

Kezdesý sońynda uıym basshysy Darhan Qydyráli CPC Bas dırektory Efgan Nıftıge Akademııa shyǵarǵan baǵaly basylymdardy syıǵa tartty.





Basty sózder: AQSh, Túrki elderi,
Joǵary qaraı