Aýa raıy
Astana -1 °S
Almaty 9 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan qalasynyń jańa áýejaıynan qandaı reıster oryndalady

2020 jyldyń 14 qyrkúıek 2020 23:29

TÚRKІSTAN. QazAqparat – QR Indýstrııa jáne ınfraqurylymdyq damý mınıstrligi Túrkistan qalasynyń «Hazret Sultan» jańa áýejaıynan ushyrý josparlanǵan reıster týraly málim etti, dep habarlaıdy QazAqparat.

«Nurly jol» ınfraqurylymdy damytýdyń 2020-2025 jyldarǵa arnalǵan memlekettik baǵdarlamasyna jáne Túrkistan oblysyn áleýmettik-ekonomıkalyq damytýdyń 2024 jylǵa deıingi keshendi josparyna sáıkes, qazirgi ýaqytta Túrkistan qalasynyń jańa halyqaralyq áýejaıynyń qurylysy júrgizilýde.

Qurylysty aıaqtaý 2020 jyldyń qyrkúıek aıynyń sońynda josparlanyp otyr.

Búginde Túrkistannan Nur-Sultan men Almatyǵa «Fly Arystan», «Qazaq Air» jáne «SCAT» avıakompanııalary reısterdi josparlap otyr.

Sondaı-aq, Túrkistan qalasyn Qazaqstannyń basqa oblys ortalyqtarymen baılanystyrý kózdelgen.

Budan basqa, «Turkish Airlines» avıakompanııasymen bastapqy kezeńde aptasyna 3-4 reıs jıiligimen Túrkııadan Túrkistanǵa reıster oryndaý qarastyrylýda. Reıster sany ulǵaıtylýy yqtımal.

Sonymen qatar, basqa sheteldik avıakompanııalar Ázerbaıjannan, Reseıden jáne Birikken Arab Ámirlikterinen Túrkistanǵa halyqaralyq reıster ashý máselesin qarastyrýda.

«Hazret Sultan» atalatyn Túrkistan qalasy áýejaıynyń negizgi parametrleri: jalpy aýdany – 905,3 ga, jasandy ushyp-qoný jolaǵy: 3 300 h 45 m, jolaýshylar termınalynyń aýdany – 1,5 myń m2, ótkizý qabileti – saǵatyna 450 jolaýshy.

Eske salaıyq, atalmysh áýejaıdy dúnıejúzinde jyldam salynǵan nysan retinde Gınnes rekordtar kitabyna engizý týraly ótinish túsirilmek.




Joǵary qaraı