Aýa raıy
Astana -20 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan oblysy ákiminiń orynbasary taǵaıyndaldy

2020 jyldyń 21 qazan 2020 18:08

TÚRKІSTAN. QazAqparat - Túrkistan oblysy ákiminiń orynbasary bolyp Arman Sábıtov taǵaıyndaldy, dep habarlaıdy QazAqparat tilshisi.

Oblys aktıvimen ótken jıynda óńir basshysy Ómirzaq Shókeev jańa orynbasarynyń jaýapty basshylyq laýazymdarda úlken jumys tájirıbesi bar ekenin atap ótip, qyzmetine sáttilik tiledi.

Arman Sábıtov 1984 jyly Shymkent qalasynda týǵan, bilimi joǵary. Ál-Farabı atyndaǵy Qazaq Ulttyq ýnıversıtetin, T.Rysqulov atyndaǵy Qazaq ekonomıkalyq ýnıversıtetiniń aspırantýrasyn bitirgen. Mamandyǵy boıynsha ekonomıst, ekonomıka ǵylymdarynyń kandıdaty, memlekettik aýdıtor. Eńbek jolyn «Azamataýdıt» JShS aýdıtorlyq mekemesinde aýdıtordyń assıstenti bolyp bastaǵan. 2004-2011 jyldary aýdıtordyń aǵa assıstenti, menedjer-joba basqarýshysy, Almaty qalasyndaǵy ókildik basqarýshysy laýazymdaryn atqarǵan. 2011-2016 jyldary Almaty qalasy boıynsha Tekserý komıssııasynyń múshesi bolǵan. 2016 jyldyń jeltoqsan aıynan bastap OQO ákimi apparaty basshysynyń orynbasary qyzmetin atqarǵan. 2017-2019 jyldary Ońtústik Qazaqstan oblysy, odan ári Túrkistan oblysynyń ekonomıka jáne bıýdjettik josparlaý basqarmasyn basqarǵan. 2019 jyldan beri Prezıdent Ákimshiliginiń Memlekettik baqylaý jáne aýmaqtyq-uıymdastyrý jumysy bóliminiń Memlekettik ınspektory, Prezıdent Ákimshiliginiń Memlekettik ınspektory qyzmetterin atqaryp kelgen.

Oblys ákimi Ómirzaq Shókeev buǵan deıin bul qyzmetti atqaryp kelgen Joldymurat Ermuhanuly Amanbaevqa qurmet kórsetip, zeınet demalysyna shyǵaryp saldy. 40 jyldan astam ýaqyt ár salada abyroıly qyzmet atqarǵanyn aıtyp, asqaraly 63 jasymen quttyqtady.

«Tereń bilim, berik ustanym, iskerlik qabilet jáne azamattyq qasıetińiz sizdi qatardaǵy ferma jumysshysynan Qazaq eline tanymal saıası qaıratker, qarjy salasynyń maıtalmany, oblys ákiminiń orynbasary laýazymyna deıin kóterdi. Elimizdiń jańa astanasy – Nur-Sultan qalasynyń jańa keıipke enip, qalyptasýy jolynda ózińizdeı isker azamatpen áriptes bolǵanyma qýanyshtymyn. Damýdyń jańa bıigine qol jetkizgen Túrkistannyń túrlenýi jolynda aıanbaı eńbek ettińiz. Otanymyzdyń órkendeýi men Túrkistannyń baıandy bolashaǵy jolynda áli de talaı el súısiner eleýli ister atqaratynyńyzǵa kámil senemin»,-dedi oblys basshysy.


Joǵary qaraı