Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan oblysy: Kóligine maımyl salyp júrgen azamat jaýapqa tartylýy múmkin

2021 jyldyń 15 maýsym 2021 14:43

TÚRKІSTAN. QazAqparat – Túrkistan oblysynda kólgine maımyl salyp alyp júrgen azamat jaýapqa tartylýy múmkin, dep habarlaıdy QazAqparat Túrkistan oblysynyń Polıtsııa departamentine silteme jasap.

«Túrkistan oblysynyń polıtseıleri áleýmettik jelige monıtorıng júrgizý kezinde «Instagram» paraqshalarynyń birinde jol jıeginde maımyldyń elektr baǵanynyń ústine shyǵyp ketip, túse almaı turǵany túsirilgen beınejazbany anyqtady»,-delingen jazbada.

Bul vıdeo boıynsha Saryaǵash aýdandyq polıtsııa bóliminiń qyzmetkerleri birden istiń mán-jaıyn anyqtaýǵa kirisken. Oqıǵanyń Saryaǵash qalasyndaǵy kóshelerdiń birinde bolǵany anyqtaldy. Maımyldyń ıesi Saryaǵash aýdanynyń turǵyny bolyp shyqty.

Onyń aıtýynsha, ol atalmysh janýardy tasymaldap bara jatqanda, abaısyzda tordan shyǵyp ketip, jaqyn mańdaǵy elektr baǵanyna minip alǵan. Al ony baǵannan túsirý úshin ıesi pnevmatıkalyq qarýmen birneshe ret aýaǵa oq atqan. Sodan soń maımyldy ustap, qaıta toryna salyp, alyp ketken.

«Makaka» tuqymdy maımyldy jergilikti turǵyn Ózbekstan Respýblıkasynan satyp alǵan, odan keıin Saryaǵash aýdanynda qaıta satý úshin alyp ketip bara jatqany anyqtaldy.

Qazirgi tańda Saryaǵash APB qyzmetkerleri maımyldyń ıesiniń jasaǵan is-áreketi boıynsha jaǵdaıdy zerdelep, tıisti qujattaryn tekserip, ákimshilik jaýapkershiligin qaraý ústinde.


Basty sózder: Túrkistan oblysy, Zań, Oqıǵa,
Joǵary qaraı