Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan oblysynda alaıaqtyq jasap 80 mln teńge alǵan áıel ustaldy

2021 jyldyń 21 qańtar 2021 15:27

TÚRKІSTAN. QazAqparat - Túrkistan oblysynyń polıtseıleri turǵyndardy aldap, alaıaqtyq jolmen 80 mıllıon teńge alǵan kúdikti áıeldi qolǵa túsirdi, dep habarlaıdy QazAqparat Polisia.kz saıtyna silteme jasap.

Sozaq APB-ne jergilikti turǵyn alaıaqtyń qurbany bolǵandyǵy týraly aryz túsirgen. Jábirlenýshi áıeldiń aıtýynsha, syrttaı tanysy memleket tarapynan qaıtarymsyz nesıe alyp beremin dep senimine kirip, alaıaqtyq jolmen 4,5 mıllıon teńgeden astam aqshasyn zańsyz ıemdenip ketkenin kórsetken. Tártip saqshylary atalǵan jaıtty QR QK-niń 190-baby (Alaıaqtyq) boıynsha SDTBT-ǵa tirkedi.

Aryzdanýshylardyń shaǵymyna sáıkes, oryn alǵan alaıaqtyq qylmysyn ashyp, kúdiktini anyqtaý maqsatynda Sozaq APB-nyń tergeý bólimshesiniń qyzmetkerleri qajetti is-sharalardy júrgizdi. Tekserý nátıjesinde, polıtseıler osy qylmysqa qatysty kúdiktini anyqtap, ony turǵylyqty meken-jaıynan ustady. Qazirgi tańda kúdikti jas áıel qamaýǵa alynyp, tergeý amaldary júrgizilýde. Sondaı-aq APB bastyǵynyń tergeý jónindegi orynbasary Asylmurat Tursynbekov pen tergeýshi Dosjan Janseıt bastaǵan tergeý toby jan-jaqty jumys jasap, kúdiktige jasaǵan qylmysty moıyndatý úshin naqty aıǵaqtar tapty. Sonymen qatar onyń 50-den astam osyndaı jaıtqa qatystylyǵy anyqtaldy. Tájirıbeli tergeýshiler kúdikti azamatshanyń jábirlenýshilerdiń árqaısysynan 350 myń teńgeden bastap, 4 550 000 teńgege deıin alaıaqtyq jolmen aqsha alyp júrgenin ashty. Olarǵa keltirilgen jalpy shyǵyn kólemi 80 mıllıon teńgeni qurap otyr. Qazirgi tańda tergeý bóliminiń qyzmetkerlerimen kúdiktiniń budan basqa da jaıttarǵa qatystylyǵy anyqtalýda.


Joǵary qaraı