Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Túrkistan oblysynda aýrýhanadan órt shyǵyp, 57 adam evakýatsııalandy

2022 jyldyń 28 qańtar 2022 16:55

TÚRKІSTAN. QazAqparat - Sozaq aýdandyq aýrýhanasynda shyqqan órtten 57 adam evakýatsııalandy, dep habarlaıdy QazAqparat tilshisi.

Búgin jergilikti ýaqyt 11 saǵat 49 mınýtta Sozaq aýdandyq órt sóndirý bóliminiń jedel jelisine Sholaqqorǵan aýylynyń Jibek joly kóshesinde ornalasqan 2 qabatty aýrýhanada órt shyqqany týraly habarlama túsken. Oqıǵa ornyna jetken Túrkistan oblysy Tótenshe jaǵdaılar departamentiniń 13 órt sóndirýshisi men 4 birlik tehnıkasy jedel órtti sóndirip, adamdardy qutqarýǵa kirisken. Nátıjesinde órt sóndirýshiler 57 adamdy evakýatsııalady.

«Órt oqıǵasy ornyna №11 órt sóndirý bóliminiń kúshteri men quraldary jiberildi. Órt sóndirýshiler oqıǵa ornyna kelgen kezde aýrýhananyń №11 palatasynda tósek-oryn jabdyqtary janyp jatty. Órt sóndirýshiler birden adamdardy qutqarýǵa kiristi. Órt saǵat 12-02-de aýyzdyqtalyp, 12-10-da sóndirildi. Zardap shekkender joq» - deıdi Shyńǵys Súleımenov Túrkistan oblysy TJD baspasóz qyzmeti.


Joǵary qaraı