Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan oblysynda bıyl 608,7 shaqyrym jol salynady

2021 jyldyń 25 aqpan 2021 16:28

TÚRKІSTAN. QazAqparat - Túrkistan oblysynda aǵymdaǵy jyly 608,7 shaqyrym jol salynady. Oǵan bıýdjetten 19,9 mlrd teńge qarastyrylǵan, dep habarlaıdy QazAqparat tilshisi.

«Jol aktıvteri ulttyq sapa ortalyǵy» oblystyq fılıalynyń málimetinshe, bıýdjetten bólinetin qarjynyń jumsalýy ortalyq tarapynan qatań qadaǵalanady. Joldyń sapaly salynýyn «Jol aktıvteri ulttyq sapa ortalyǵy» qadaǵalaıdy. Ótken jyly ortalyq mamandary respýblıkalyq mańyzy bar 33 nysandy baqylaýǵa alǵan. 350 ret tekserisike shyǵyp, 511 kemshilik anyqtaǵan. Jyljymaly zerthana kómegimen 328 synama alynyp, onyń 20-y normatıvterge sáıkes kelmeıtini belgili bolǵan.

Nátıjesinde merdigerler 55,0 mln teńgege qaıta qalpyna keltirý jumystaryn júrgizgen. Jalpy ótken jyly óńirde avtojol salasyn damytýǵa bıýdjetten (54,8 mlrd. T) 55 mlrdqa jýyq teńge bólingen. Jyl sońyna deıin 1 525 shaqyrym jolda qurylys-jóndeý jumystary aıaqtalyp, paıdalanýǵa berilgen. Qalǵan 40 nysan, ıaǵnı 449,4 shaqyrym jol jumysy bıyl jalǵasady dep josparlanyp otyr.

Aıta keteıik, aımaqta avtomobıl joldary men eldi mekenderdegi kóshelerdiń uzyndyǵy - 17 286,5 shaqyrym. Onyń 733,1 –i respýblıkalyq mańyzy bar bolsa, 4 152,2 - oblystyq mańyzy bar joldar. Qalǵan 1 799,8 - aýdandyq mańyzy bar joldar sanalady.


Avtor Aınur Aqbaeva
Basty sózder: Túrkistan oblysy, Qurylys, Jol,
Joǵary qaraı