Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Túrkistan oblysynda COVID-19 indetine qarsy karantın rejımi uzartyldy

2022 jyldyń 14 qańtar 2022 22:14

TÚRKІSTAN. QazAqparat – Túrkistan oblysynyń bas memlekettik sanıtar dárigeriniń jańa qaýlysy shyqty, dep habarlaıdy QazAqparat tilshisi.

Qaýlyǵa sáıkes Túrkistan oblysynda karantın rejımi epıdemıologııalyq jaǵdaı turaqtalǵanǵa deıin uzartylǵan.

Sondaı-aq, Ashyq jobasyna qatyspaıtyn nysandarda buqaralyq is-sharalardy, otbasylyq is-sharalardy jáne kópshilik jınalatyn ózge de is-sharalardy ótkizýge tyıym salyndy.

Qoǵamdyq oryndarǵa jáne qyzmetine ruqsat etilgen obektilerge barǵan kezde, sondaı-aq, ashyq aýada ornalasqan qoǵamdyq orynda bolǵan kezde betperde kıip, áleýmettik araqashyqtyqty saqtaý jána antıseptık paıdalaný jónindegi talaptar qatań saqtalýy qajet.

65 jastan asqan adamdardyń aýdan, qalalarda qajettilik týyndamaǵan jaǵdaıda júrýi shektelip otyr.

Demalys kúnderi qyzmetkerler men kelýshilerde qaýipsiz «jasyl» mártebe bolǵan jaǵdaıda ǵana obektilerdiń jumys isteýine jol beriledi.

«Ashyq kóshbasshylary» mártebesin alǵan jobaǵa qatysýshylarǵa arnaıy jeńildikter berilip otyr.

Máselen, «jasyl» aımaqtaǵy jobaǵa qatysýshylarǵa jumys rejımi 2 saǵatqa qosymsha uzartylady, sondaı-aq obektini toltyrý 10%-ǵa artady.

QR DSM Bas memlekettik sanıtarııa dárigeriniń 2021 jylǵy 30 qarashadaǵy №51 qaýlysynyń qosymshasynda kórsetilgen elderden Qazaqstanǵa kelgen jáne sońǵy 14 kún ishinde baryp kelgen adamdar 7 kúnge úıde oqshaýlanady jáne medıtsınalyq baqylaýda bolady.

Úı karantınine oqshaýlaý COVID-19-ǵa testileýdiń teris nátıjesi bar anyqtamanyń jáne COVID-19-ǵa qarsy vaktsınatsııanyń bar-joǵyna qaramastan júrgiziledi.


Joǵary qaraı