Aýa raıy
Astana -15 °S
Almaty 6 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan oblysynda epıdemıologııalyq ahýal qandaı

2020 jyldyń 28 qazan 2020 18:38

TÚRKІSTAN. QazAqparat - Túrkistan oblsyndaǵy epıdjaǵdaı turaqty. Oblystaǵy medıtsınalyq uıymdarda koronavırýs ınfektsııasynyń ekinshi tolqynyna daıyndyq jumysy úsh baǵytta júrgizilip jatyr, dep habarlaıdy QazAqparat.

Oblys ákimi baspasóz qyzmetiniń málimetinshe, emdeý mekemelerin tósek-orynmen tolyq qamtý, materıaldy-tehnıkalyq bazasyn nyǵaıta otyryp, dári-dármek pen qorǵanys quraldarymen qamtamasyz etý kúsheıtilgen.

Bul týraly Túrkistan oblysy ákiminiń orynbasary Arman Sábıtovtyń oblystyq qoǵamdyq densaýlyq basqarmasynyń basshysy Marat Pashımov pen óńirdegi barlyq medıtsına uıymdardyń bas dárigerlerimen kezdesýinde atap kórsetildi.

«Qazirgi tańda oblystaǵy medıtsınalyq uıymdar 2 aılyq dári-dármek qorymen jáne medıtsınalyq qural-jabdyqpen tolyq qamtamasyz etilgen. Emdeý mekemesiniń birinshi basshysy retinde sizder aldaǵy ýaqytta medıtsına qyzmetkerleriniń kásibı biliktiligin arttyrýdy, arnaıy oqytýdan ótkizýdi barynsha qadaǵalaýǵa tıissizder»,-dedi oblys ákiminiń orynbasary Arman Sábıtov.

Oblysta jalpy 23 429 medıtsına qyzmetkeri eńbek etedi. Onyń 5 myńnan astamy - dárigerler, 18 233-i - orta býyn medıtsına qyzmetkerleri.

Bıyl 1,5 myń dáriger túrli baǵyttar boıynsha Reseıde biliktiligin arttyryp, tájirıbe almasqan.

Jıyn barysynda oblys basshylyǵy shekaralas aýdandardy basty baqylaýda ustaýdy júktedi.

Aldaǵy ýaqytta aýdan ákimderi men medıtsına mekemeleriniń basshylarymen birlese onlaın formatta ózekti máselelerdi ortaǵa salyp, sheshý joldaryn qarastyrý kózdelgen.












Joǵary qaraı