Aýa raıy
Astana -10 °S
Almaty -12 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan oblysynda halyqtyq joba júzege asyrylýda

2020 jyldyń 23 qarasha 2020 23:08

TÚRKІSTAN. QazAqparat – Elimizde alǵash bolyp halyqtyq joba jumysy Túrkistan oblysynda júzege asýda. Bıyl maýsym aıynan beri qolǵa alynǵan jobada oblys ortalyǵyndaǵy bos jatqan jerlerdi turǵyndar ıgiligine paıdalaný jumystary atqarylýda, dep habarlaıdy QazAqparat tilshisi.

Atalǵan jobaǵa qala turǵyndary men qalalyq ákimdik ókilderi, arhıtektor, dendrolog, ýrbanıst jáne ózge de kásibı mamandar birlese otyryp jumystar atqaryp keledi. Nátıjesinde buryn qaraýsyz qalǵan jer ýchaskeleriniń ornyna balalar oıyn alańdary men qarııalarǵa arnalǵan demalatyn oryndar, jastardy salaýatty ómir saltyna úıretý úshin túrli sporttyq alańshalar salyndy. Halyqtyq joba negizinde aýla turǵyndarymen birlese otyryp iske asyrylǵan 7 ýchaskede aıtarlyqtaı oń ózgerister oryn alǵan. Qala turǵyndary men qonaqtaryna demalý oryndary jasaldy. Kóshelerge jaryqshamdar ornatylyp, shatyrly oryndyqtar qoıylǵan. Al, Qyzylorda tas joly boıyn abattandyrý úshin Shyǵys bóliginiń 1,62 ga jerdi alyp jatqan aýmaǵynda kógaldandyrý jumystary júrgizilgen. 13 azamat jumys istegen aýmaqta 50 dana jaryq sham, 20 dana oryndyq pen 4 jerge shatyrly atkenshek oryndyq qoıylǵan. Talapqa sáıkes oıyn alańshalary, fýtbol, basketbol oıyn alańdary salynýda. Jergilikti turǵyndardyń qalaýy men qajettiligi eskerile otyryp salynǵan demalys oryndarynyń mańyna aǵashtar da egilýde. Jasyl jelekti kútip-baptaýǵa qala turǵyndary da nıet bildirip otyr.


Avtor Aınur Aqbaeva
Basty sózder: Aımaq, Túrkistan oblysy, Qoǵam,
Joǵary qaraı