Aýa raıy
Astana -18 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan oblysynda karantın talaptaryn buzýshylar azaıar emes

2020 jyldyń 22 qarasha 2020 02:40

TÚRKІSTAN. QazAqparat - Arys aýdandyq polıtsııa bóliminiń qyzmetkerleri jáne Arys qalasy ákimdigi birlesip, monıtorıngtik top quramynda aýdandaǵy karantın talaptarynyń saqtalýyna reıd júrgizdi.

Bul týraly QazAqparat – Túrkistan oblystyq Polıtsııa departamentiniń baspasóz qyzmetine silteme jasap habarlaıdy.

Mobıldik top músheleri qaladaǵy tamaqtaný oryndarynda, saýda úılerinde, azyq-túlik dúkenderinde sanıtarlyq talaptar men maskalyq rejıminiń saqtalýyn qadaǵalaýda. Osy tusta karantın talaptaryna nemquraıdy qarap, sanıtarlyq normalardy buzǵan azamattarǵa túsindirý jumystary júrgizilip, hattama toltyryldy.

Qazirgi tańda Arys aýdanynda karantın talabyn oryndamaǵan 372 azamat anyqtalǵan. Olardyń basym kópshiligi belgilengen ýaqyttan keıin de jumys jasap turǵan dúken men oıynhana ıeleri. Mysaly, Arys qalasy kósheleriniń birinde ornalasqan oıynhana saǵat 22:00-den keıin jumys istep jatqandyǵy belgili boldy. Oıynhanaǵa kelýshi azamattardyń da eshbirinde medıtsınalyq betperde bolmaǵan. Sonymen qatar indet órship turǵan ýaqytta jıyn, toı jasaýshylar qatary da azaıar emes. Ashyǵyn aıtqanda, Arys qalasyndaǵy birneshe toıhanalardyń karantın talaptaryn buzyp, «Qyz uzatý», «Betashar» sııaqty toı jasap, shekten tys turǵyndardy jınaǵany anyqtalyp, ákimshilik hattama toltyryldy.

«Túrkistan oblysy Polıtsııa departamenti karantın rejımi kezinde bekitilgen talaptardy oryndamaı, turǵyndardyń densaýlyǵyna qaýip tóndiretin azamattar tıisti jaýapqa tartylatynyn eskertedi. Sondyqtan Bas sanıtarlyq dárigerdiń qaýlysynyń talaptaryn qatań saqtaý, betperde kııý jáne araqashyqtyqty saqtaýdy esten shyǵarmańyz»,-delingen baspasóz habarlamasynda.


Basty sózder: Karantın, Túrkistan oblysy,
Joǵary qaraı