Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan oblysynda «qyzyl» mártebesi anyqtalǵan 23 turǵynǵa aıyppul salyndy

2021 jyldyń 5 tamyz 2021 22:41

TÚRKІSTAN. QazAqparat -Túrkistan oblysynda 2122 azamat úı karantıninde. 23 mamyr men 28 shilde aralyǵynda 150 azamattyń «qyzyl», «sary» mártebesi bola tura oqshaýlaý rejımin buzǵandyǵy «Ashyq» jobasy arqyly belgili boldy. Onyń ishinde 36 azamattan «qyzyl», 114 azamattan «sary» mártebesi anyqtaldy, dep habarlaıdy QazAqparat óńir basshysynyń baspasóz qyzmetine silteme jasap.

QR Bas memlekettik sanıtarııalyq dárigeriniń qaýlysyna sáıkes, 14 kúndik úı karantınin buzǵan 36 azamattyń 23-ne 10-maýsymnan bastap QR ÁQBtK-niń 425-baby boıynsha 30 AEK kóleminde aıyppul salyndy.

Ózin-ózi oqshaýlaý rejımin buzǵan turǵyndar qoǵamdyq tamaqtaný oryndaryna, halyqqa qyzmet kórsetý ortalyqtary men qonaq úı, saýda úılerine kirmek bolǵanda «Ashyq» baǵdarlamasy arqyly nysanǵa jiberilmegen.

Joǵarydaǵy talaptar buzylǵan jaǵdaıda 87510 teńge aıyppul salynady.

Aıta keteıik, Túrkistan oblysynda «Ashyq» jobasy sáýir aıynan bastap júzege asyryla bastady. Búgingi tańda 3116 nysan júıeni paıdalanady. Kásipkerlik palatasyna «Ashyq» jobasyn engizý úshin taǵy da 3374 ótinish berilgen. Bas sanıtarlyq dárigerdiń qaýlysyna sáıkes talaptardy oryndamaǵan, ıaǵnı kelýshilerdiń QR-kod (check-in) skanerlemegen, jumys algorıtmin buzǵan 177 nysan jobadan shyǵaryldy. Koronavırýs aýrýy aýa-tamshy joldary arqyly juǵyp, tez taralatyndyqtan, ózińiz ben ózgelerdiń densaýlyǵyna qaýip tóndirmegenińiz abzal.


Joǵary qaraı