Aýa raıy
Astana -23 °S
Almaty -10 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan oblysynda medıtsına qyzmetkerleri marapattaldy

2020 jyldyń 21 qazan 2020 19:05

TÚRKІSTAN. QazAqparat – Túrkistan oblysynda koronavırýs ınfektsııasymen kúreste aldyńǵy shepte bolǵan 33 medıtsına qyzmetkeri «Halyq alǵysy» medalimen marapattaldy. QR Prezıdenti Qasym-Jomart Toqaevtyń Jarlyǵymen berilgen tósbelgilerdi oblys ákiminiń orynbasary Sáken Qalqamanov tabystady, dep habarlaıdy QazAqparat tilshisi.

Sáken Qalqamanov saltanatty sharada qaýipti indet juqtyrǵandardy emdep, óz densaýlyqtaryn qaterge tikken medıtsına qyzmetkerlerine alǵysyn bildirdi.

«Sizder álemdik pandemııa qyspaqqa alǵanda aldyńǵy shepke shyǵyp, halyqty qaýipten aman alyp qalýǵa tikeleı atsalystyńyzdar. Óz bastaryńyzdy táýekelge tigip, eldiń amandyǵyn aldyńǵy orynǵa qoıǵan sizderdi búgingi kúnniń batyrlary desek jarasady. Biz osyndaı yntymaq, birligimizben jáne shynaıy janashyrlyǵymyzben bul synaqtan da súrinbeı ótetinimizge kámil senemin», -dedi Sáken Qalqamanov.

Qoshemetke ıe bolǵandardyń biri - Lengir qalalyq aýrýhanasy bas dárigeriniń orynbasary Shyndos Ábdiqalyqov. Adam janynyń arashasy bolyp júrgen azamat indet órshigen kezde ınfektsııalyq bólimge jetekshilik etip, táýlik boıy jumys ornynan tabylǵan. Ózi de vırýsty pnevmonııaǵa shaldyǵyp, ókpesiniń 80 paıyzǵa jýyǵy zaqymdanǵan.

«Jansaqtaý bólimine aýyr halde tústim. Oǵan esh ókinishim joq. Naýqastardy emdep, ómirlerine arasha bolý dárigerlik adal boryshym, dep bilemin. Aldaǵy ýaqytta da barymdy salyp, kúresýge barmyn. Qyzmetimizdi elep, qoshemet kórsetip jatqan oblys basshylyǵyna alǵysymdy bilderemin», -deıdi Shyndos Ábdiqalyqov.

Medıtsına qyzmetkerleriniń eren eńbeginiń arqasynda óńirde qaýipti indetti juqtyrǵan 3340 naýqas tolyq jazylyp shyqty. Birinshi tolqyn kezeńinde COVID-19 koronavırýsymen kúres aıasynda epıdemııaǵa qarsy is-sharalarǵa 6 myńǵa jýyq medıtsına qyzmetkeri tartyldy.




















Avtor Aınur Aqbaeva
Basty sózder: Medıtsına, Túrkistan oblysy,
Joǵary qaraı