Aýa raıy
Astana 6 °S
Almaty 17 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan oblysynda mı tamyry zaqymdalǵan júkti áıeldi dárigerler aman alyp qaldy

2020 jyldyń 4 tamyz 2020 18:16

TÚRKІSTAN. QazAqparat – Túrkistan oblysynda mı tamyry zaqymdalǵan júkti áıel aman qaldy. Naýqas kelinshek oblystyq klınıkalyq aýrýhanaǵa ıshemııalyq ınsýlt dıagnozymen aýyr halde jetkizilgen bolatyn, dep habarlaıdy QazAqparat tilshisi.

Túrkistan qalasynyń 36 jastaǵy turǵyny Aıjan Súleımenova júktiliktiń 10-shy aptasynda. Mıynyń qan tamyry zaqymdalyp, ómirine qaýip tóngen naýqasqa dárigerler shuǵyl túrde ota jasaǵan. Qazir jas kelinshek pen qursaqtaǵy balanyń ómirine tóngen qaýip seıilgen. Oǵan eki saǵat boıy ota neırohırýrg-dáriger Áset Qydyrov ómirine arasha bolyp, kásıbi biliktiligin dáleldedi.

Dárigerdiń aıtýynsha, ınsýlt aýrýy qazirgi tańda jastar arasynda da jıi kezdesýde. Bastysy otadan keıin de dáriger nusqaýlaryn buljytpaı oryndaý qajet. Óz kezeginde jas kelinshektiń aq halatty jandarǵa alǵysyn jaýdyrýda.




«Qol-aıaǵym istemeı, óte aýyr halge túsip qaldym. Osy aýrýhanaǵa kelip, emime shıpa taptym. Dárigerlerge sheksiz alǵys aıtamyn», - dedi Aıjan Súleımenova.

Sátti ota aýrýhananyń osydan úsh jyl buryn ashylǵan rentgendik hırýrgııa bóliminde jasaldy. Atalǵan bólimde zamanaýı medıtsınalyq rentgen apparatny qoldaný arqyly bas mı tamyrlarynyń zaqymdalýynda, júrek, qaterli isik pen ýrologııalyq jáne basqa da aýrýlarǵa baılanysty 30-ǵa jýyq ota sátti júzege asyrylǵan.

Bıyldan bastap tipti júrek qan tamyrlarynda koronagrafııa men stendteý ádisimen ota jasaý qolǵa alynǵan. Jyl basynan beri bilikti dárigerler quramy 360 sátti ota jasap, talaı jannyń ómirin saqtap qalǵan.





Avtor Aınur Aqbaeva
Basty sózder: Medıtsına, Túrkistan oblysy,
Joǵary qaraı