Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan oblysynda negizgi kapıtalǵa salynǵan ınvestıtsııa 1,6 trln teńgeden asyp tústi

2021 jyldyń 19 maýsym 2021 15:41

NUR-SULTAN. QazAqparat – Sońǵy úsh jylda Túrkistan oblysynda negizgi kapıtalǵa salynǵan ınvestıtsııa 1,6 trn teńgeden asyp tústi.

Bul týraly Ortalyq kommýnıkatsııalar qyzmetiniń kóshpeli brıfınginde Túrkistan oblysynyń ákimi Ómirzaq Shókeev aıtty, dep habarlaıdy QazAqparat tilshisi.

«Úsh jyldyqty 2025 jylǵa deıin oblysty damytýdyń jańa keshendi josparynyń qabyldanýymen atap ótip jatyrmyz. Barlyq qorytyndylardy qaraǵan Úkimet bolashaq qala úshin negiz is júzinde qalyptasty dep sanady. Mádenı-rýhanı ortalyq nysandarynyń basym bóligi salyndy. Ákimshilik ortalyq barynsha úlken qarqynmen damyp keledi. Qalanyń ınfraqurylymy bas josparda kózdelgen perspektıvaǵa saı qalyptastyrylǵan. Sondyqtan qalany damytýdyń jańa kezeńin bastaý qajet», - dedi oblys ákimi.

Onyń atap ótýinshe, úsh jyldyń ishindegi óńirdiń damý qorytyndysyna sáıkes, Túrkistan oblysyn qurý jáne Shymkentti respýblıkalyq mańyzy bar qala retinde bólý strategııalyq sheshimniń sátti bolǵandyǵyn kórýge bolady.

«Eki óńir de damýdyń tyń serpinine ıe boldy. Eger 2018 jylmen salystyrar bolsaq, osy jyldardyń ishinde oblystyń óńirlik ishki ónimi 41 paıyzǵa artyp, 2,4 trn teńgeni qurady. Ónerkásip ónimi 18 paıyzǵa, aýyl sharýashylyǵy ónimi 34 paıyzǵa artty. Eń bastysy sońǵy 3 jyldyń ishinde negizgi kapıtalǵa salynǵan ınvestıtsııa 2,6 paıyzǵa ósip, 1 trln 600 mlrd teńgege jetti», - dedi Ómirzaq Shókeev.


Joǵary qaraı