Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan oblysynda noýtbýkter jetkizý kezinde 2,5 mlrd astam teńgeni jymqyrǵan

2021 jyldyń 26 qarasha 2021 15:12

TÚRKІSTAN. QazAqparat – Túrkistan oblysynda qashyqtyqtan oqytý úshin noýtbýkter jetkizý kezinde 2,5 mlrd astam teńgeni jymqyrý deregi anyqtaldy, dep habarlaıdy QazAqparat QR Qarjylyq monıtorıng agenttiginiń baspasóz qyzmetine silteme jasap.

«Pandemııaǵa baılanysty qashyqtyqtan oqytý álemniń barlyq elderinde de bilim berý protsesiniń negizgi ádisine aınaldy.

Qazaqstanda bilim berý uıymdaryna mektep oqýshylary úshin 220 myńnan astam kompıýterlik tehnıka satyp alyndy.

Agenttik bıýdjet qarajaty jymqyrylǵan memlekettik satyp alýdy júrgizý kezinde buzýshylyq derekterin anyqtady.

Agenttiktiń Túrkistan oblysy boıynsha aýmaqtyq departamenti «MT-Servıs» JShS basshysyna jáne oblys ákimdiginiń Adam áleýetin damytý basqarmasynyń laýazymdy tulǵalaryn qatysty bıýdjet qarajatyn jymqyrý deregi boıynsha qylmystyq isti tergeýde», dep habarlady Agenttiktiń baspasóz qyzmetinen.

Atap aıtqanda, memleket «2020-2025 jyldarǵa arnalǵan QR Bilim jáne ǵylymdy damytýdyń» baǵdarlamasy aıasynda koronavırýstyq ınfektsııa pandemııasy kezeńinde oqýshylardy qashyqtyqtan oqytý úshin noýtbýkter satyp alýǵa aqshalaı qarajat bóldi.

«MT-Servıs» JShS dırektory Túrkistan oblysy ákimdiginiń «Adam áleýetin damytý basqarmasy» MM-men 3,4 mlrd.teńgeden astam somaǵa 21 myń dana noýtbýk jetkizýge shart jasasty.

Alaıda, 2,5 mlrd teńgeden astam somaǵa jetkizilgen taýarlar Tapsyrys berýshiniń tehnıkalyq erekshelikterine sáıkes kelmegen.

Qazirgi ýaqytta kásiporyn dırektory QPK-niń 128-baby tártibinde ustaldy jáne oǵan qatysty tergeý soty «qamaýda ustaý» bultartpaý sharasyn qoldandy.

Sotqa deıingi tergeý jalǵasýda.


Joǵary qaraı