Aýa raıy
Astana -22 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan oblysynda oqýshylarǵa 43 myńǵa jýyq noýtbýk beriledi

2020 jyldyń 4 jeltoqsan 2020 01:48

TÚRKІSTAN. QazAqparat – Túrkistan oblysynda oqýshylarǵa onlaın bilim alý úshin 43 myńǵa jýyq noýtbýk berilmek. Bul týraly oblystyq adamı áleýetti damytý basqarmasynyń basshysy Raqymbek Jolaev kezekti brıfıng barysynda málimdedi, dep habarlaıdy QazAqparat tilishisi.

Raqymbek Jolaev II toqsandaǵy oqý protsesiniń uıymdastyrylý barysyn baıandaı kele oqýshylarǵa qashyqtan bilim alý úshin qandaı jaǵdaı jasalyp jatqanyn jetkizdi.

«QR Úkimeti rezerviniń qarajatynan 57 190 kompıýterlik qurylǵy satyp alý josparlanǵan. Qazirgi tańda 7711 planshet pen 5952 kompıýter satyp alyndy. 21 764 noýtbýkti (Wı-Fı roýter, SIM kartaly) arnaıy komıssııa músheleri qabyldap aldy. Qosymsha 21 763 noýtbýk satyp alý josparlanǵan. Olar jeltoqsan aıynyń sońyna deıin jetkiziledi. Sondaı-aq, qashyqtan bilim alý úshin 24 317 kompıýter mektep qorynan, 1539 kompıýterlik qurylǵy jergilikti bıýdjet esebinen, 1445 kompıýterlik qurylǵy «Mektepke jol» aktsııasy aıasynda demeýshiler esebinen oqýshylarǵa berildi»,- dedi Raqymbek Qýatbekuly

Aıta keteıik, oblys aýmaǵynda 916 bilim oshaǵy bar. Onyń ishinde 16 bilim uıasy jekemenshik bolsa, óńirdegi mektep qabyrǵalarynda 499 975 oqýshy bilim alyp júr.

2020-2021 oqý jylynyń ІІ toqsanynda bilim alýshylardyń, pedagogterdiń jáne basqa qyzmetkerlerdiń densaýlyǵyn saqtaý maqsatynda 1-11 synyptarda oqý protsesi 421 938 (84%) oqýshyǵa qashyqtan júrgizilip jatyr.


Joǵary qaraı