Aýa raıy
Astana -12 °S
Almaty -4 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan oblysynda olımpıadalyq emes sport túrleri damı túspek

2020 jyldyń 27 qarasha 2020 15:09

TÚRKІSTAN.QazAqparat – Túrkistan oblysynda «Túrkistan oblysy boıynsha jaýyngerlik óner qaýymdastyǵy» zańdy tulǵalar birlestiginiń músheleri bas qosty. Sport janashylarynyń kezdesýinde olımpıadalyq emes sport túrleriniń halyqaralyq ımıdjin kóterý baǵytyndaǵy jobalar talqylandy, dep habarlaıdy QazAqparat tilshisi.

Birlestiktiń qurmetti prezıdenti, QR Ulttyq qaýipsizdik komıtetiniń Túrkistan oblysy boıynsha departamentiniń bastyǵy, general-maıor Ábilseıit Dúısebaevtiń aıtýynsha, josparǵa saı keler jyly atqarylý tıis jumystar az emes. Sondyqtan, jastar arasynda buqaralyq sportty nasıhattaýdy jetildire túsýdiń mańyzdylyǵy joǵary. Jıynda Túrkistan oblysy ákiminiń orynbasary Sáken Qalqamanov birlestiktiń bastamalaryna qoldaý bildirýge daıyn ekendigin jetkizdi.

«Bıyl oblystyq dene shynyqtyrý jáne sport basqarmasy tarapynan Á.Nurmahanov atyndaǵy ORMBJSM-ne olımpıadalyq emes 8 sport túrin damytý baǵytynda 15 shtat birligi berildi. Osy atalǵan bólimderde qazirgi tańda 462 sportshy sportpen turaqty túrde shuǵyldanýda», - dedi «Túrkistan oblysy boıynsha jaýyngerlik óner qaýymdastyǵy» zańdy tulǵalar birlestiginiń basshysy Dáýren Táńirbergenov.




Keńesten keıin birlestik músheleri «Túrkistan arena» stadıonyn aralap kórdi. Halyqaralyq talapqa saı sport ǵımaratynan birlestik múshelerine arnaıy jeke bólme beriletin boldy. Olımpıadalyq emes sport túrimen aınalysatyn sportshylar jattyǵý zaldarynda shynyǵýǵa múmkindik alatyny aıtyldy. Sondaı-aq, Túrkistan qalasynda ashylǵan «Týrızm jáne meımandostyq ýnıversıteti men birlestik arasynda eki jaqty memorandýmǵa otyrý boıynsha kelisim júrgizilgen bolatyn. Memorandým boıynsha ýnıversıtet ishinen sport klýbyn ashý, sport zaldarynda oqý-jattyǵý jıyndaryn uıymdastyrý josparlanýda. Mektep sportshylaryn atalǵan ýnıversıtette granttyq negizde oqytý jáne jataqhanamen qamtamasyz etý qarastyrylǵan. Aıta keteıik, Túrkistan oblysynan Nur-Sultan qalasynda jastar men jasóspirimder arasynda ýshý jáne kýng-fýdan ótip jatqan QR chempıonatyna 10 sportshy, Shymkent qalasynda mýaıtaıdan jastar men jasóspirimder arasyndaǵy el birinshiligine 11 sportshy qatysýda.


















Avtor Aınur Aqbaeva
Basty sózder: Sport, Túrkistan oblysy, Aımaq,
Joǵary qaraı