Aýa raıy
Astana 23 °S
Almaty 28 °S
valıýta baǵamy
USD 412.55
EUR 468.66
RUB 5.79
CNY 58.80

Túrkistan oblysynda pnevmonııadan 3 myńǵa jýyq naýqas emdelip shyqqan

2020 jyldyń 9 shilde 2020 19:47

TÚRKІSTAN. QazAqparat – Túrkistan oblysynda pnevmonııa dertin 5421 adam juqtyryp, 2933-i jazylyp shyqqan. Al, búgingi jaǵdaı boıynsha koronovırýs ınfektsııasymen 28 jaǵdaı tirkelip, bir kúndik ósim 1,4 paıyzdy quraǵan, dep habarlaıdy QazAqparat tilshisi.

Oblys ákimi Ómirzaq Shókeevtiń aıtýynsha, óńirde koronavırýs ınfektsııasyn 2 079 adam juqtyrǵan. 1 911 adam statsıonarlyq baqylaýǵa alynyp, 196 adam ınfektsııalyq statsıonarda emdelýde. Sondaı-aq, 1 715 adam (7 bala) provızorlyq statsıonarǵa jatqyzylǵan. Al, JRVI-men 7 749 adam tirkelse, onyń ishinde 387 adam statsıonarlyq em qabyldaýda. 336 naýqas (87%) emdelip shyqqan. Osy máselelerge bas nazar aýdarý kerektigine toqtalǵan oblys ákimi Ómirzaq Estaıuly oblys boıynsha 16 aýdan, qalada 187 medıtsınalyq mobıldi toptar jumys júrgizip jatqanyn jetkizdi.

«Mobıldi toptar kúndiz-túni jumys isteýi tıis. Osy maqsatta olardy aýdan ákimshilikteri kólikpen qamtamasyz etýde. Bul toptar naýqastardy erte anyqtap, erte em taǵaıyndaıdy nemese aýrýhanaǵa jatatyn naýqas bolsa tez arada joldama beredi. Sonymen qatar, barlyq aýdandarda karantındik rejımniń saqtalýy men saqtyq sharalaryn túsindirý boıynsha jumystar turaqty júrgizilýde. Degenmen, oblys boıynsha tótenshe jaǵdaı rejımin buzyp, otbasylyq jıyn ótkizýdiń 1 039 jaǵdaıy anyqtalǵan. Onyń 320-ne aıyppul salynsa, 96 azamat qamaýǵa alynǵan», - dedi Ómirzaq Shókeev.


Joǵary qaraı