Aýa raıy
Astana 16 °S
Almaty 19 °S
valıýta baǵamy
USD 412.55
EUR 468.66
RUB 5.79
CNY 58.80

Túrkistan oblysynda pnevmonııadan qaıtys bolǵan 5 dárigerdiń otbasyna járdemaqy tólenedi

2020 jyldyń 9 shilde 2020 20:41

TÚRKІSTAN. QazAqparat – Túrkistan oblysynda COVID-19 ınfektsııasyn 132 medıtsına qyzmetkeri juqtyrǵan. Bul týraly oblys ákimi Ómirzaq Shókeev Óńirlik kommýnıkatsııalar qyzmetiniń alańynda ótken brıfıngide málimdedi, dep habarlaıdy QazAqparat tilshisi.

Oblys ákiminiń aıtýynsha, 24 medıtsına qyzmetkeri qaýipti indetten emdelip shyqqan. Al, pnevmonııa dertinen ókinishke qaraı 5 dáriger kóz jumǵan. Jumys barysynda qaıtys bolǵan aq halattylardyń otbasylaryna tıisti járdemaqy beriledi.

«Qıyn-qystaý kezeńde óziniń janyn aıamaı, naýqastarǵa der kezinde kómek kórsetken dárigerler eńbegi eren. Men olarǵa alǵys aıtamyn. Ókinishke qaraı, indetten kóz jumǵan dárigerler de bar. Olardyń otbasylaryna tıisti kómek kórsetý – bizdiń paryzymyz», - dedi oblys ákimi.




Aıta keteıik, koronavırýs indetimen kúres sheńberinde epıdemııaǵa qarsy is-sharalarǵa tartylǵan barlyq qyzmetkerlerge materıaldyq ústemaqy qarastyrylǵan. Naýryz-maýsym aılarynda 17 368 qyzmetkerge úsh sanat boıynsha barlyǵy 2 867,1 mln teńge berilgen.





Joǵary qaraı