Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan oblysynda polıtsııadan qashqan kólik apatqa ushyrady

2021 jyldyń 5 jeltoqsan 2021 02:40

QAZYǴURT.QazAqparat- «VAZ-21214» markaly kólikti basqarǵan jasy kámeletke tolmaǵan bala jeńil dárejeli dene jaraqatymen aýrýhanaǵa jetkizildi, dep habarlaıdy QazAqparat tilshisi.

Júrgizýshi baǵdarshamnyń qyzyl belgisine toqtamaı, qarsy baǵyttaǵy kólikterdi basyp ozyp, oqıǵa ornynan boı tasalaǵan.

Jol erejesin buzǵan ol polıtseılerdiń «avtokólikti toqtat!» degen eskertýin elemegen. Alaıda, kólikti qatty jyldamdyqpen basqarǵan kúıde temir qorshaýǵa soqtyǵysyp, jol kólik oqıǵasy oryn aldy.

Túrkistan oblysy polıtsııa departamenti baspasóz qyzmetiniń málimetinshe «VAZ-21214» markaly avtokóligi Qazyǵurt aýdanyndaǵy JShS-niń birine tıesili bolǵan. Ony jasóspirimniń ákesi jumys ornyndaǵy avtoturaqqa qoıǵan. Al, uly kólikti ruqsatsyz aıdap ketken. Búgingi tańda QR QK 200-baby 1 bóligimen sotqa deıingi tergep-tekserý júrgizilýde.


Joǵary qaraı