Aýa raıy
Astana -19 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan oblysynda «RF shekarasy (Samara)-Shymkent» tasjolynyń ýchaskeleri jóndeldi

2020 jyldyń 6 tamyz 2020 16:09

NUR-SULTAN. QazAqparat - Jolshylar Túrkistan oblysyndaǵy respýblıkalyq mańyzy bar «RF shekarasy (Samara)-Shymkent» avtomobıl jolynyń 11 shaqyrymyn ortasha jóndeýden ótkizý jumystaryn aıaqtady. Jańartylǵan jol ýchaskeleri kólik qozǵalysy úshin tolyqtaı ashyq, dep habarlaıdy QazAqparat tilshisi.

QR Indýstrııa jáne ınfraqurylymdyq damý mınıstrliginiń Telegram paraqshasyndaǵy aqparatqa sáıkes, merdiger «Sıne Mıdas Stroı BK» JShS jáne «NNC Group» JShS joldyń tsement-beton jabyndysynyń shógýin joıyp, temperatýralyq jikterdi quıý jumystaryn oryndady. Jabyndynyń joǵary qabatyn jaılastyrý kezinde jolshylar emýlsııalyq-mıneraldy quıma qospalardan tozýdan qorǵaıtyn qabatty tósedi. Mıkrosıýrfeısıng tehnologııasy jabyndynyń tozǵan qabatyn qalpyna keltirip, jaryqtardyń paıda bolýynan, jol jabyndysynyń joǵary qabattaryn sýǵa qanyǵýdan qorǵaıdy, sondaı-aq, jol jabyndysy qabattarynyń ózara tirkesý jáne jabyn tegistigi kórsetkishterin jaqsartady. Bul sharalar jóndeýaralyq merzim men joldyń beton jabyndysynyń qyzmet etý ýaqytyn uzartýǵa múmkindik beredi.

Aıta ketý kerek, jóndeý jumystary belgilengen merzimnen buryn oryndaldy.








Joǵary qaraı