Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Túrkistan oblysynda sanıtarııalyq talapty saqtamaǵan lagerlerge aıyppul salyndy

2022 jyldyń 3 mamyr 2022 22:33

TÚRKІSTAN. QazAqparat - Sanıtarııalyq-gıgıena talaptaryn saqtamaǵan Túrkistan oblysyndaǵy lagerlerge aıyppul salyndy, dep habarlaıdy QazAqparat tilshisi.

Balalardyń jazǵy demalysyn qaýipsiz ári sapaly uıymdastyrý maqsatynda Túrkistan oblysynyń sanıtarııalyq-epıdemıologııalyq baqylaý departamentiniń mamandary jazǵy saýyqtyrý lagerlerine tekserý jumystaryn júrgizdi. «Baldáýren» respýblıkalyq balalar saýyqtyrý ortalyǵy, «Aqsý», «Samal», «Baldaýren» lagerlerin erekshe tártippen teksergen dárigerler birqatar kemshilikti anyqtaǵan. Nátıjesinde 1 laýazymdy jáne 3 jeke tulǵaǵa jalpy sommasy 466 720 teńge aıyppul salyndy.

«Ashana qoımasynda tamaq ónimderin durys saqtamaý, aspazdardyń júzik, bilezik, saǵattaryn sheshpesten taǵam daıyndaǵandyǵy, as mázirinde balalarǵa tamaq daıyndaý úshin dárýmendermen baıytylmaǵan un qoldanǵandyǵy, keıbir bólmelerde qabyrǵa sylaqtarynyń túskendigi, esik tutqalarynyń synǵany, dezınfektsııalaý is-sharalarynyń tıimdiligine qatysty sanıtarııalyq talaptardyń saqtalmaǵany belgili boldy», - deıdi Túrkistan oblysy sanıtarııalyq-epıdemıologııalyq baqylaý departamentiniń baspasóz hatshysy Ardaq Berden.

Aıta keteıik, óńirde balalarǵa arnalǵan jalpy 26 saýyqtyrý orny bar. Onyń 10-y memlekettiń, qalǵany jeke menshik ıeliginde.


Joǵary qaraı