Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan oblysynda sý bógetin sapasyz jóndegen laýazym ıeleri izdestirilip jatyr

2021 jyldyń 15 sáýir 2021 13:42

NUR-SULTAN. QazAqparat – Túrkistan oblysynda sý bógetin sapasyz jóndeý kesirinen 4 eldi mekendi sý ala jazdady. Bul týraly QR Tótenshe jaǵlaılar mınıstri ıÝrıı Ilın aıtyp berdi, dep habarlaıdy QazAqparat tilshisi.

«9 sáýir kúni Túrkistan oblysy Tólebı aýdanyndaǵy «Ay» sý qoımasynyń bógetinde jaryqshaq paıda boldy. Bul bógettiń kólemi 4 myń tekshe metrden asatyn. Der kezinde sorǵymen sý shyǵaryp, kárizdik júıelerdi ashý arqyly sý qoımasyn toltyrý 20 paıyzdan tómendetildi. Osylaısha, tómen aǵysta jatqan 17 myńnan astam turǵyny bar 4 eldi mekendi sý basý qaýpi seıildi», - dedi mınıstr Ortalyq kommýnıkatsııalar qyzmetinde ótken baspasóz máslıhatynda.

Spıkerdiń aıtýynsha, qazirgi ýaqytta quqyq qorǵaý organdarymen birge jumys júrgizilip jatyr.

«3 jyl buryn atalǵan gıdrotehnıkalyq qurylysqa kúrdeli jóndeý júrgizgen laýazymdy tulǵalarǵa qatysty sheshim qabyldaý úshin quqyq qorǵaý organdary tıisti jumys júrgizip jatyr», - dedi ıÝ. Ilın.

Buǵan deıin Tótenshe jaǵdaılar mınıstri elimizde 46 úı men 67 avtojoldy sý basqanyn aıtqan edi.


Joǵary qaraı