Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan oblysynda tabylǵan 6-ynshy týrıst 17 jasta bolǵan – QR TJM

2021 jyldyń 12 maýsym 2021 23:36

NUR-SULTAN. QazAqparat – QR Tótenshe jaǵdaılar mınıstrligi Túrkistan oblysynda tabylǵan 6-ynshy týrıst týraly málimet usyndy, dep habarlaıdy QazAqparat.

«Aldyn ala málimetter boıynsha, tabylǵan máıit 2004 jyly týǵan jigittiki ekendigi anyqtaldy. Joǵalǵan jigittiń ákesi óz ulynyń denesin tanydy», - dedi QR TJM-nyń baspasóz qyzmetinen.

Eske salaıyq, QR Tótenshe jaǵdaılar mınıstrligi 12 maýsymda Túrkistan oblysynyń taýlarynda joǵalǵan 6-ynshy týrıstiń denesi tabylǵanyn málim etken bolatyn.

21 mamyr kúni Túrkistan oblysynyń «Sary-Aıǵyr» shatqalyna jaıaý bet alǵan 7 týrıst joǵalyp ketti. 24 mamyrda olar keri qaıtýy kerek bolatyn. 25 mamyrda týrısterdiń joǵalǵany týraly «112» pýltine habar berilgen.

28 mamyrda 7 adamnyń 3-eýi tabylyp, qutqaryldy. Al 29 mamyr kúni eki týrıstiń denesi tabyldy.

Búgin QR TJM resmı ókili Talǵat Ýálı qalǵan eki adamdy izdeý jumystary jalǵasyp jatqanyn málim etken bolatyn.


Joǵary qaraı