Aýa raıy
Astana -20 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan oblysynda tóbesi jabyq bazarlar senbi kúni jumys isteıtin boldy

2020 jyldyń 27 qazan 2020 17:43

TÚRKІSTAN. QazAqparat - Túrkistan oblysynda karantın sharalaryn uzartý týraly qaýlyǵa ózgerister engizildi, dep habarlaıdy QazAqparat óńirlik kommýnıkatsııalar ortalyǵyna silteme jasap.

Qaýlyǵa sáıkes, 26 qazannan bastap oblys aýmaǵyndaǵy saýda ortalyqtarynyń, saýda úıleriniń jáne jabyq bazarlardyń qyzmeti 4 sharshy metrge 1 adamnan keletin syıymdylyqpen senbi kúnderi saǵat 09.00-den 17.00-ge deıingi ýaqyt shekteýimen jumys isteýine ruqsat etildi.

Bul týraly óńirlik kommýnıkatsııalar qyzmetinde ótken brıfıngte oblystyń bas sanıtarııalyq dárigeri Nurbek Nyshanov málimdedi.

Sonymen qatar, jańa qaýly boıynsha sanıtarlyq-dezınfektsııalyq rejımdi kúsheıtip, áleýmettik araqashyqtyqty jáne betperde kııý rejımin saqtaı otyryp, ǵımarat aýmaǵyn 30 paıyzdan asyrmaı toltyryp kınoteatrlardyń qyzmetine ruqsat berilip otyr.

«Qaýipsizdik sharalaryn oryndaý qajet. Máselen, 65 jastan asqan adamdarǵa múmkindiginshe kóshege shyǵýyna shekteý áli de saqtalady. Sondaı-aq, oblystaǵy epıdemıologııalyq jaǵdaıǵa baılanysty otbasylyq mereıtoılar, eske alý, qudalyq, toı, betashar jáne taǵy basqa jıyndardy ótkizýge tyıym salynady. Oblysymyzdaǵy epıdemıologııalyq jaǵdaıǵa baılanysty karantın jáne sanıtarııalyq-dezınfektsııalyq talaptardy muqııat saqtaýǵa shaqyramyz», - dedi Nurbek Sadyqbekuly.





Sondaı-aq, bas sanıtar dáriger ár azamat jeke bas gıgıenasyn saqtaı otyryp, kóshede, qoǵamdyq orynda, adam kóp jınalatyn jerde mindetti túrde maska rejımi men áleýmettik araqashyqtyqty saqtaýǵa shaqyrdy.


Joǵary qaraı