Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Túrkistan oblysynda turǵyndardan qarý, esirtki jáne dinı sıpattaǵy materıaldar tabyldy

2022 jyldyń 17 qańtar 2022 11:12

TÚRKІSTAN. QazAqparat - Túrkistan oblysy polıtsııa departamentiniń qyzmetkerleri qarý men esirtki jáne dinı sıpattaǵy materıaldardy zańsyz saqtaýmen aınalysqan turǵyndardy anyqtady, dep habarlaıdy QazAqparat tilshisi.

Búginde azamattardyń qaýipsizdigi men qoǵamdyq tártipti qamtamasyz etý maqsatynda Túrkistan oblysy aýmaǵynda «Quqyqtyq tártip» jedel aldyn alý is-sharasy ótýde.

Atalǵan sharanyń barysynda polıtsııa qyzmetkerleri qarý men esirtki jáne dinı sıpattaǵy materıaldardy zańsyz saqtaýmen baılanysty 7 jaıtty anyqtady.

Máselen, Otyrar aýdanynyń aýmaǵynda ustalǵan jergilikti turǵynnan marıhýana salynǵan qaǵaz orama men 36 patrony bar tirkelmegen eki uńǵyly ańshy myltyǵy tárkilendi.

Sondaı-aq kúdiktiden dinı sıpattaǵy 20-dan astam kitap, broshıýralar men jýrnaldar alyndy.

Al, Túlkibas aýdanynda jedel ýákilder er azamattan tirkelmegen tapansha men 16 kalıbrli sholaq myltyqty tapsa, Kentaý qalasynyń turǵynynan marıhýana men metall kastetti tárkilendi.

Jetisaı aýdanynda jedel-izdestirý is-sharalary barysynda polıtsııa qyzmetkerleri tirkelmegen gazdy tapanshasy bar kúdiktini ustady.

Odan túrli kalıbrli 20-dan astam oq-dári, metall jáne aǵash dýbınkalar men «marıhýana» salynǵan orama tabyldy.




Maqtaaral turǵynynan 16 kalıbrli sholaq myltyq, al ordabasylyq azamattan 12 kalıbrli sholaq myltyq tárkilengen.

Saryaǵashtyq jedel ýákilder tirkelmegen travmatıkalyq tapanshasy bar aýdan turǵynyn ustady.

«Búgingi tańda, barlyq ister boıynsha sotqa deıingi tergeý amaldary júrgizilýde. Birqatar saraptamalar taǵaıyndaldy. Ustalǵandardyń basqa da uqsas qylmystarǵa qatysy bar-joǵy anyqtalýda» delingen Túrkistan oblysy polıtsııa departamentiniń baspasóz qyzmeti taratqan habarlamada.





Joǵary qaraı