Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan oblysynda vaktsına alǵandar sany 300 myńǵa jýyqtady

2021 jyldyń 14 maýsym 2021 16:10

TÚRKІSTAN. QazAqparat - Túrkistan oblysy koronavırýstyń taralý kórsetkishi boıynsha «jasyl» aımaqta ornalasqan. Vaktsına saldyrý kórsetkishi boıynsha elimizde 1-orynda tur, dep habarlaıdy QazAqparat.

Sońǵy 2 aptada COVID-19 aýrýyn juqtyrý kórsetkishi 440 jaǵdaıdan 225 jaǵdaıǵa deıin 2 ese tómendegen.

Búgingi kúnge deıin 293 myńǵa jýyq (91%) adam 1-komponentpen vaktsına qabyldady.

Óńirdiń epıdemıologııalyq ahýaly oblys ákimi Ómirzaq Shókeevtiń tóraǵalyǵymen ótken aptalyq apparat otyrysynda talqylandy.

Túrkistan oblysyna aqpan aıynan bastap jalpy 321 myńnan astam doza vaktsına jetkizilgen.

Sonymen qatar, aqpan aıynan bastap 160 myńǵa jýyq dozadan barlyǵy 120 myńdaı (75%) adamǵa salyndy.

Otandyq QazVac vaktsınasy 2000 adamǵa (100%) 1- doza, 879 (44%) adamǵa 2-doza egildi.

Mamyr aıynda Hayat Vax vaktsınasynyń 43 000 dozasy jetkizildi. 1-dozasy 100% egildi. 15 myńǵa jýyq adamǵa (35%) 2-doza salyndy.




Túrkistan oblysynda 185 myń doza Spýtnık V (Reseı, KFK) jáne 752 myń doza quraıtyn QazVac otandyq vaktsınamen qamtamasyz etý josparlanyp otyr.

Vaktsınany saqtaý jáne tasymaldaý sharttary saqtala otyryp, jalpy 128 egý pýnktinde vaktsınatsııa júrgizilip jatyr.

SES mamandary koronavırýstyń boljamdy juqtyrý kórsetkishin bólisti. Taldaý júrgizilgen 3 myńǵa jýyq jaǵdaıdyń 1114-i (38,5%) qarym-qatynastaǵylar arasynan anyqtalyp otyr.

Epıdemıologııalyq tekserýler barysynda ınfektsııanyń boljamdy juqtyrý kózderi (oryndary) anyqtalǵan.




Atap aıtqanda, naýqastardyń 30 %-ǵa jýyǵy ınfektsııany merekelik, kafe jáne otbasylyq sharalar kezinde juqtyrǵan.

Qoǵamdyq kólik, bazar, dúken, kópshilik oryndarda - 45%, betperde rejımin buzǵandar, úı jaǵdaıy jáne basqa - 49% COVID-19 ınfektsııasyn juqtyrǵan.

Sońǵy 2 apta ishinde aýrý/baılanysta bolǵan úı karantındik rejımin saqtaýy tıis 20-dan astam adamnyń «Ashyq» baǵdarlamasymen jumys isteıtin nysandarǵa barǵany anyqtaldy.

Onyń ishinde 5-«qyzyl», 17-«sary» statýstaǵylar.




Barlyq jaǵdaıda aýmaqtyq SEB basqarmalary tarapynan qaýlylar shyǵarylyp, eskertý berildi.

Zerthanalarda laboratorııalyq zertteýler boıynsha ótken táýlikte 2 300 adam tekserildi.

Jalpy, pandemııa bastalǵaly 800 myńǵa jýyq adam PTR test tapsyrǵan.

Oblys boıynsha 1200 ınfektsııalyq jáne 300 karantın jáne 188 reanımatsııalyq tósek-oryn uıymdastyrylǵan.








Joǵary qaraı