Aýa raıy
Astana 25 °S
Almaty 31 °S
valıýta baǵamy
USD 412.55
EUR 468.66
RUB 5.79
CNY 58.80

Túrkistan oblysynda jasandy tynys alý apparatynyń jartysy ǵana paıdalanylýda

2020 jyldyń 9 shilde 2020 19:21

TÚRKІSTAN. QazAqparat – Túrkistan oblysynda 178 ókpeni jasandy jeldetý apparattarynyń jartysyna jýyǵy ǵana paıdalanylýda. Oblys ákimi Ómirzaq Shókeev qosymsha jetisaılyq kásipkerler taǵy 6 osyndaı apparatty demeýshilik jasap alyp bergenin aıtady, dep habarlaıdy QazAqparat tilshisi.

Aımaq basshysynyń sózinshe, oblys aýmaǵyndaǵy emdeý aýrýhanalar men provızorlyq ortalyqtarda ÓJJ apparattary jetkilikti.

«Ókpeni jasandy jeldetý apparattarynyń búginde jartysyna jýyǵy ǵana paıdalanylýda. Onyń 45 danasy ǵana qazir naýqastardyń jasandy tynys alýy úshin qoldanysta. Bizde úlken zapas, rezerv bar. Sondyqtan bul jaǵynan eshqandaı qaýip joq»,- dedi Ómirzaq Shókeev.

Óńir basshysy brıfıng barysynda sondaı-aq, oblys boıynsha dárilik zattardyń baǵalaryna baqylaý júrgizý maqsatynda arnaıy monıtorıng toby qurylǵanyn atap ótti. Bul top barlyq dárihanalardy tekserip, quqyq buzýshylyqtyń aldyn alýǵa jumys isteýde. Bólshek saýda jelisinde baǵany kóterý boıynsha zańbuzýshylyqtar anyqtalǵan jaǵdaıda ákimshilik sharalar qoldanylyp keledi. Máselen, dárilik zattarǵa belgilengen shekti baǵany artyrǵan jaǵdaıda jeke tulǵalarǵa – 70, laýazymdy adamdarǵa – 100, shaǵyn kásipkerlik sýbektilerine – 130, orta kásipkerlik sýbektilerine – 200, iri kásipkerlik sýbektilerine 1000 eseptik kórsetkish mólsherinde aıyppul salynady.

«Sondaı-aq, karantın rejımi kezinde qyzmetin júzege asyratyn obektilerge tekserýler (monıtorıng) júrgizý algorıtmine sáıkes Túrkistan oblysy qala, aýdandary ákimdiginde mobıldi top jasaqtalǵan. Atalǵan top dárihanalardy tekserý barysynda 12 nysanǵa ákimshilik quqyq buzýshylyq týraly hattama toltyryldy. Toltyrylǵan hattamalardyń 3-i jergilikti sot organdaryna joldanyp, 9 nysanǵa aıyppul salyndy», - dedi Ómirzaq Shókeev.

Atap aıtqanda, ruqsat qaǵazynyń bolmaýyna baılanysty – 1, tirkelmegen dárini satqany úshin – 2 is sotqa ótkizilip, lıtsenzııasyz jumys jasaǵany úshin – 2, dárini qymbatqa satqany úshin – 5 jáne retseptisiz dárilik zattardy satqany úshin – 2 aıyppul salynǵan.


Joǵary qaraı