Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Túrkistan oblysynda jer qoınaýyn zańsyz paıdalanýshylar azaımaı otyr

2022 jyldyń 17 mamyr 2022 15:23

TÚRKІSTAN. QazAqparat- Jyl basynan beri Túrkistan oblysynda jer qoınaýyn zańsyz paıdalanýǵa qatysty 18 zań buzýshylyq anyqtalǵan. Nátıjesinde 5 azamat tártiptik jaýapkershilikke, 16 adam ákimshilik jaýapkershilikke tartyldy, dep habarlaıdy QazAqparat tilshisi.

Mobıldik toppen júrgizilgen reıdtik jumystar barysynda 16 tasymaldaýshyǵa 2 056 483 teńge kólemde aıyppul salynǵan. Júrgizýshilerde paıdaly qazbalardyń shyǵý tegin negizdeýshi qujattar múlde bolmaǵan.

Sondaı-aq, 21 sý qorǵaý beldeýinde ornalasqan tabıǵat paıdalanýshylardyń kelisim-sharttary ýaqytsha toqtatylsa, 9 kelisim-shart buzylǵan. 12 tabıǵat paıdalanýshynyń taý-ken núkteleri ózgertilip, sý qorǵaý beldeýi aýmaǵynan shyǵarylǵan.

«Bıyl 12 is qujattar protsesstik sheshim qabyldaý úshin polıtsııaǵa joldanyp, Qylmystyq Kodekstiń 334-babymen sotqa deıingi tergep-tekserý bastaldy. Osy is áreketterden qorshaǵan ortaǵa 3,7 mlrd teńge zalal kelgen», - dedi, Túrkistan oblysynyń mamandandyrylǵan tabıǵat qorǵaý prokýrory Serik Ábdıev.


Joǵary qaraı