Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan oblysynda joǵalǵan týrıster: Taǵy bir adamnyń máıiti tabyldy

2021 jyldyń 12 maýsym 2021 21:02

NUR-SULTAN. QazAqparat – Túrkistan oblysynda joǵalǵan týrısterdiń biriniń máıiti Saıram-Ógem shatqalynan tabyldy, dep habarlaıdy QazAqparat.

«2021 jyldyń 12 maýsymynda Ógem ózeni kópiriniń sol jaǵynan Azarteke jotasyna deıingi baǵytty tekserý barysynda Respýblıkalyq jedel-qutqarý jasaǵynyń qutqarýshylary (RJQJ) Túrkistan oblysynyń Maqpalsaı shatqalynan bir adamnyń máıitin tapty. Shatqal teńiz deńgeıinen 1000 metr bıiktikte ornalasqan», - dedi QR Tótenshe jaǵdaılar mınıstrliginiń resmı ókili Talǵat Ýálı.








Resmı ókildiń aıtýynsha, taýly releftiń, jartasty betkeılerdiń kóptiginen máıitti tikushaqpen tasymaldaý múmkin bolmady. RJQJ qutqarýshylary Ógem ózenindegi ótkeldi (aǵys jyldamdyǵy sekýndyna 20 metr) jaıaý júrip, máıitke qaraı barǵan.

«RJQJ qyzmetkerleri máıitti áýe kemesine deıin jaıaý kóterip aparyp, tikushaq áýede «qalqyp» turyp júk kótergish shyǵyrdyń kómegimen ony kóterip aldy.

Tabylǵan múrde saraptama júrgizý úshin polıtsııa qyzmetkerlerine tapsyryldy. Іzdeý jumystaryna Túrkistan oblystyq Tótenshe jaǵdaılar jáne Polıtsııa departamentteriniń, UQK Shekara qyzmetiniń, orman sharýashylyǵynyń, Ózbekstan Respýblıkasy TJM 127 qyzmetkeri, 15 tehnıka, 3 kvadrokopter, 3 kınologııalyq top, 1 tikushaq jáne joǵalǵan týrısterdiń týystary jumyldyryldy. Іzdeý jumystary segiz baǵyt boıynsha júrgizilýde», - deıdi T. Ýálı.

QR TJM keıinnen habarlaǵandaı, tabylǵan 6-ynshy týrıst - 17 jastaǵy jigit. Múrdesin ákesi tanyǵan.

Eske salasaq, 21 mamyr kúni Túrkistan oblysynyń «Sary-Aıǵyr» shatqalyna jaıaý bet alǵan 7 týrıst joǵalyp ketti. 24 mamyrda olar keri qaıtýy kerek bolatyn. 25 mamyrda jastardyń joǵalǵany týraly «112» pýltine habar berilgen.

28 mamyrda 7 adamnyń 3-eýi tabylyp, qutqaryldy. Al 29 mamyr kúni eki týrıstiń denesi tabyldy.

Búgin QR TJM resmı ókili Talǵat Ýálı qalǵan eki adamdy izdeý jumystary jalǵasyp jatqanyn málim etken bolatyn.



Joǵary qaraı