Aýa raıy
Astana -21 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan oblysynda jol erejesin buzǵandarǵa 4 mlrd teńge aıyppul salyndy

2020 jyldyń 3 jeltoqsan 2020 21:31

TÚRKІSTAN. QazAqparat – Túrkistan oblysynda jol erejesin buzǵandarǵa 4 mlrd teńge aıyppul salyndy, dep habarlaıdy QazAqparat.

Baspasóz qyzmetiniń málimetterine qaraǵanda, oblys kóleminde bolǵan jol - kólik oqıǵalarynyń sany byltyrǵy jylmen salystyrǵanda 14,8 % - ǵa, qaza bolǵandardyń sany - 5,4 % - ǵa, jaraqat alǵandardyń sany - 23,1 paıyzǵa tómendedi. Onyń ishinde respýblıkalyq mańyzy bar tas joldarda bolǵan apat sany 16 % - ǵa azaıǵan.

Bul másele oblys ákimi Ómirzaq Shókeevtiń tóraǵalyǵymen ótken Túrkistan oblysy ákimdigi janyndaǵy quqyq buzýshylyq profılaktıkasy jónindegi vedomstvoaralyq komıssııasy májilisinde qaraldy.





Jyl basynan beri oblys joldarynda arnaıy avtomatty quraldarmen 265 myńǵa jýyq quqyqbuzýshylyq anyqtalǵan. Olar boıynsha 4 mlrd. teńgegege jýyq qarajatqa uıǵarymdar shyǵarylyp, jartysynan astamy óndirilgen.

Polıtsııa jol-kólik oqıǵalarynyń negizgi sebepterin aıqyndady.

Atap aıtar bolsaq, jyldamdyqty arttyrý, manevr jasaý, sonymen qatar, oblystaǵy jol sapasynyń jaqsarǵandyǵynan júrgizýshilerdiń basym bóligi jyldamdyqty shekten tys asyryp, qıylystar men burylystarda apatqa ushyraýda. Sondaı-aq úı janýarlarynyń tosynnan jolǵa shyǵýynan bolǵan apat sany artqan. Sondyqtan ishki ister organdary jol boıynda qaraýsyz júrgen úı janýarlarynyń ıelerin ákimshilik jaýapqa tartý máselesin kóterdi.


Basty sózder: Ákim, Kólik, Túrkistan oblysy,
Joǵary qaraı