Aýa raıy
Astana 31 °S
Almaty 34 °S
valıýta baǵamy
USD 412.55
EUR 468.66
RUB 5.79
CNY 58.80

Túrkistan oblysynda júrgizýshi velosıpedpen bara jatqan 8 jastaǵy balany qaǵyp ketti

2020 jyldyń 11 shilde 2020 04:39

TÚRKІSTAN. QazAqparat – Túrkistan oblysy, Jetisaı aýdanynda júrgizýshi velosıpedpen bara jatqan 8 jastaǵy balany qaǵyp ketti. Saldarynan jasóspirim basynan jaraqat alyp, ortalyq aýdandyq aýrýhanaǵa jetkizilgen, dep habarlaıdy QazAqparat tilshisi.

Oblystyq PD baspasóz qyzmetiniń málimetinshe, balany kólik qaǵyp ketkeni týraly habarlama Jetisaı APB-niń kezekshi bólimine túsken. Oqıǵa ornyna shuǵyl jetken polıtsııa qyzmetkerleri velosıped mingen balany joldyń qarama-qarsy baǵytynan kele jatqan «Lada» avtokóligi soǵyp ketkenin anyqtaǵan. Kináli júrgizýshiniń artynsha jol-kólik oqıǵasy ornynan qashyp ketkeni belgili boldy. Onyń ustaý maqsatynda aýdandyq polıtsııa bólimi qyzmetkerlerimen jedel-izdestirý is-sharalary júrgizilgen. Nátıjesinde eki saǵat ishinde tártip saqshylary kúdiktini qolǵa túsirdi.

Tekserý barysynda onyń kólik júrgizýge tıisti qujaty joq ekeni, ákesiniń mashınasyn mas halde basqarǵandyǵy anyqtaldy. Búgingi tańda kúdikti qamaýǵa alynyp, atalǵan jaıt QR QK-niń 345-1-baby «Alkogoldik, esirtkilik jáne (nemese) ýytqumarlyq masań kúıde kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» jáne 347-baby «Jol-kólik oqıǵasy bolǵan jerden ketip qalý» boıynsha tergelýde.


Avtor Aınur Aqbaeva
Basty sózder: Túrkistan oblysy, Kólik, Oqıǵa,
Joǵary qaraı