Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan oblysynda jyl basynan beri 20 bala sýǵa ketken

2021 jyldyń 24 maýsym 2021 09:09

TÚRKІSTAN. QazAqparat - Túrkistan oblysynda bıyl jazataıym oqıǵalar boıynsha 27 adamnyń sýǵa batý faktisi tirkeldi. Onyń 20-sy - jas balalar, dep habarlaıdy QazAqparat.

Bul týraly brıfıngte Túrkistan oblysy Tótenshe jaǵdaılar departamenti bastyǵynyń orynbasary Erik Sarybaev málimdedi.

Onyń aıtýynsha, sońǵy 5 jylda, ıaǵnı 2016-2020 jyldar aralyǵynda oblystaǵy sý aıdyndarynda jalpy 252 adam qaza bolyp, onyń ishinde 140 bala bolǵan.

«Qaıǵyly oqıǵalardyń negizgi sebepteri - balalardy esik aldyndaǵy sýarýǵa arnalǵan aryqtardyń janynda úlkenderdiń qaraýynsyz qaldyrý, balalardyń shomylýǵa ruqsat etilmegen aýyl mańyndaǵy kanaldarǵa shomylýy, kúnniń sýyqtyǵyna qaramastan taýlardyń ortasynda ornalasqan sarqyramaǵa túsip, óz kúshin durys baǵalamaý», - dedi Erik Temirhanuly.

Búgingi tańda sý aıdyndaryndaǵy qaýipsizdik máseleleri boıynsha profılaktıkalyq jumys qarqyndy uıymdastyrylýda.

Aýdandyq jáne qalalyq tótenshe jaǵdaı qyzmetkerleri aýdandyq, qalalyq jergilikti polıtsııa qyzmetimen birlesip, 142 reıd júrgizgen.

85 azamatqa ákimshilik aıyppul salynǵan.


Basty sózder: Oqıǵa, Túrkistan oblysy,
Joǵary qaraı