Aýa raıy
Astana 10 °S
Almaty 10 °S
valıýta baǵamy
USD 412.55
EUR 468.66
RUB 5.79
CNY 58.80

Túrkistan oblysyndaǵy demalys aımaqtarynyń mańyna blokpostar qoıyldy

2020 jyldyń 6 tamyz 2020 12:24

ShYMKENT. QazAqparat – Túrkistan oblysy, Tólebı aýdanynda elde jarııalanǵan karantındik rejımge baılanysty saqtyq sharalary kúsheıtildi.

Osyǵan baılanysty Ekpindi jáne Qasqasý eldimekenderinen ótetin joldarǵa blokpostar qoıylyp, demalýshylardyń taýly aımaqqa kirýine tyıym salyndy, dep habarlaıdy QazAqparat tilshisi.

Aýdandyq bas memlekettik sanıtarııa dárigeri A.Erkinbekovanyń qaýlysyna sáıkes, el ishindegi koronavırýs ınfektsııasynyń taralýyn boldyrmaý maqsatynda birqatar shekteý sharasy qolǵa alyndy. Atap aıtqanda, tamyz aıynyń 3-nen bastap 17-ne deıin aýdandaǵy demalys oryndary jumysyn toqtatty. Sondaı-aq, aýdandaǵy basseınder men ózen boılaryndaǵy jaǵajaılar da epıdemıologııalyq jaǵdaı turaqtanǵanǵa deıin demalýshylardy qabyldaýǵa shekteý qoıdy. Jergilikti turǵyndarǵa da birqatar mindet júkteldi. Endi azamattardan kóshede júrgende medıtsınalyq betperde kıip, áleýmettik qashyqtyqty saqtaý talap etiledi. Turǵylyqty jeri boıynsha otbasylyq sharalardy ótkizýge tıym salynǵan. Budan bólek Shymkent qalasyna jolaýshy tasymaldaıtyn qoǵamdyq kólikter de belgilengen merzimde jumys istemeıdi. Al, eldimekender arasynda qatynaıtyn qoǵamdyq kólikterdiń jumys tártibi qysqartylǵan.


Joǵary qaraı