Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan oblysynyń aýyl sharýashylyǵy salasynda rekordtyq ónim jınaldy

2021 jyldyń 24 qarasha 2021 16:15

TÚRKІSTAN. QazAqparat - Egistikti ártaraptandyrýdyń nátıjesinde Túrkistan oblysynda 3,3 mln tonna ónim jınaldy -dep habarlaıdy QazAqparat tilshisi.

Búgin Túrkistandaǵy «Kongress Holl» ǵımaratynda tabysty jyl qortyndylanyp, «Altyn kúz-2021» merekelik is-sharasy ótti.

Aldymen Túrkistan óńiriniń aýyl sharýashylyǵy taýaryn óndirýshileriniń kórmesi uıymdastyryldy. Jurtshylyqqa osy saladaǵy jetistikter men ónimder, ǵylymı izdenister kórsetildi.




Odan keıin saltanatty jıyn ótip, Túrkistan oblysynyń ákimi Ómirzaq Shókeev barsha dıqandar men malshylardy, agrosala ókilderin QR Aýyl sharýashylyǵy qyzmetkerleri kúnimen quttyqtady.




«Óńirde mal sharýashylyǵy jaqsy damyp keledi. Mal tuqymyn asyldandyrý isi jandandy. Et eksporty boıynsha Túrkistan oblysy birinshi orynǵa shyqty. Sonymen birge sýarmaly jerdi ıgerip, kókónis, baqsha ónimderin ósirýde de Túrkistan oblysynyń áleýeti óte joǵary», - dedi Ómirzaq Shókeev.

Sondaı-aq, oblys basshysy aýyl sharýashylyǵyn damytý boıynsha agrosala ókilderine, aýdan ákimderine semınarlar ótkizilip jatqanyn aıtty.




«Іrilengen ári birikken sharýa qojalyqtary jańbyrlatyp sýǵarý tehnologııasyn paıdalanyp, mol jetistikke jetýde. Al birikpegen, ortasha sharýa qojalyqtary úshin bir jerden jylyna 2-3 ónim alý jobasy tıimdi. Úı irgesindegi jerin paıdalanýshy aǵaıyn tamshylatyp sýǵarý ádisin paıdalanýda. Óńirimiz agrosala boıynsha elimizde aldyńǵy qatarda keledi. Biraq ónimdilikti taǵy 2-3 ese ósirýge múmkindik bar. Aýyl sharýashylyǵy úshin jyl tabysty aıaqtaldy, – degen óńir basshysy Qazaqstan men Ózbekstan Prezıdentteri arasyndaǵy kelisimge sáıkes bıyl «Dostyq» kanalyna mol deńgeıde sý kelgenin, osy arqyly maqtashylar joǵary túsimge qol jetkizgenin de atap ótti.

Oblysta kanaldar jóndelip, jańa sý qoımalary salynyp jatqanyn aıtyp, Túrkistannyń jan-jaǵyna sý jetkizilip, qala jasyl shaharǵa aınalatynyna senimdi ekenin jetkizdi.

Naǵyz eńbek adamdarynyń mártebesi asqaqtaǵan jıynda óńir basshysy bir top azamatty QR Aýyl sharýashylyǵy mınıstrliginiń «Eńbek ardageri» medalimen jáne «Aýyl sharýashylyǵy úzdigi» tós belgisimen marapattady. Túrli salada úzdik atanǵan aýdan, qala ákimderine de qurmet kórsetildi. Sonymen birge saltanatty jıynda «Nur Otan» partııasy Túrkistan oblystyq fılıaly tóraǵasynyń birinshi orynbasary Beısenbaı Tájibaev ozat agroqurylym ókilderin marapattasa, bir top BAQ ókiline Aýyl sharýashylyǵy basqarmasynyń alǵyshattary tapsyryldy.

















Joǵary qaraı