Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan oblysynyń qurylǵanyna 3 jyl toldy

2021 jyldyń 21 maýsym 2021 07:33

TÚRKІSTAN. QazAqparat - Túrkistan oblysynyń qurylǵanyna 3 jyl tolýyna arnalǵan «Jańarǵan Túrkistan» saltanatty kontserti ótti, dep habarlaıdy QazAqparat.

Kongress holl kontsert zalynda ótken merekelik keshke qatysqan oblys ákimi Ómirzaq Shókeev barsha qazaqstandyqtardy quttyqtady.

«Sizderdi Túrkistan oblysynyń qurylǵanyna 3 jyl tolýymen quttyqtaımyn. Túrkistan – kúlli Alashtyń tekti tóri, qazaqtyń shejireli shahary jáne túrkitildes halyqtardyń rýhanı astanasy. Sondyqtan bul mereke – barsha qazaqqa ortaq. Osydan týra úsh jyl buryn elimizdiń Tuńǵysh Prezıdenti, Elbasy Nursultan Nazarbaev Túrkistan oblysyn qurý týraly Jarlyqqa qol qoıdy. Túrkistan qalasy oblys ortalyǵy mártebesin ıemdenip, damýdyń jańa satysyna kóshti. Mine, osy 3 jyldyń ishinde óńirde aýqymdy jumystar atqaryldy. Túrkistan qalasyn damytýdyń birinshi kezeńi aıaqtalyp, óńirdi damytýdyń ekinshi kezeńi bastaldy. 5 jylǵa Keshendi jospar qurylyp, atqarylar ister aıqyndaldy. Qazaqstanymyz ben Túrkistanymyz máńgi jasaı bersin!»,- dedi Túrkistan oblysynyń ákimi Ómirzaq Shókeev.

Merekelik sharada oblys ákimi óńirdiń damýy men qalyptasýyna súbeli úles qosyp, eńbegi sińgen azamattardy marapattady.

Kesh qonaǵy, halyqaralyq «Voice of Turan», qazaq ánderi án baıqaýynyń laýreaty Belarýsııadan kelgen jas ánshi Darıa Hmelnıtskaıa S.Báıterekovtyń «Álııa» ánin shyrqady.

Elordadan kelgen «NOMAD» etno-folklorlyq ansambli , Qazyǵurt aýdanynan kelgen «Balaýsa» bı ansambli, «Daryn» jastar syılyǵynyń ıegeri, Nur-Sultan qalasyndaǵy Memlekettik akademııalyq fılarmonııasynyń solısi Azamat Jyltyrgózov, belgili ánshi Madına Sádýaqasova óner kórsetti.

Basty sózder: Aımaq, Túrkistan oblysy,
Joǵary qaraı