Aýa raıy
Astana 9 °S
Almaty 3 °S
valıýta baǵamy
USD 421.58
EUR 496.83
RUB 5.53
CNY 62.20

Túrkistan oblysynyń polıtseıleri zańsyz qum óndirý faktisiniń jolyn kesti

2020 jyldyń 7 tamyz 2020 11:13

TÚRKІSTAN. QazAqparat – Túrkistan oblysynda jerden zańsyz qum óndirip kelgender qolǵa tústi, dep habarlaıdy QazAqparat Túrkistan oblystyq Polıtsııa departamentiniń baspasóz qyzmetine silteme jasap.

Baspasóz qyzmetiniń málimetterine qaraǵanda, «Taza Qazaqstan» jedel-profılaktıkalyq is-sharasy aıasynda Túrkistan oblysy Polıtsııa departamentiniń tabıǵatty qorǵaý polıtsııasynyń qyzmetkerleri ekologııalyq quqyq buzý áreketterin anyqtaý boıynsha reıd, sondaı-aq karantın kezeńinde sanıtarlyq-epıdemıologııalyq talaptardy saqtaý boıynsha túsindirý jumystaryn júrgizýde.




Atap aıtqanda, tártip saqshylary Otyrar aýdanyndaǵy reıd barysynda tabıǵatty qorǵaý ınspektsııasymen birlesip, aýyldardyń biriniń janynda zańsyz qum óndirgen jáne tasymaldaǵan jergilikti turǵyndardy ustady. Polıtsııa qyzmetkerleri tártip buzýshylardan qumy bar eki júk kóligi men júk tıegishti aıǵaqty zat retinde tárkilep aldy.

Bul jaıt QR QK-niń 334-baby «Jer qoınaýyn óz betinshe paıdalaný» áreketi boıynsha tirkeldi. Tártip saqshylary júk kólikteri men ekskavatordy aıyp turaǵyna qoıdy. Jınaqtalǵan materıaldar zańdy sheshim qabyldaý úshin tıisti organdarǵa jiberiledi.


Joǵary qaraı