Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Túrkistanda 5 adamnyń ólimine sebepshi bolǵandardyń kinásin dáleldeý úshin jeti aı tergeý júrdi

2022 jyldyń 19 qańtar 2022 12:14

TÚRKІSTAN. QazAqparat – Túrkistan qalasynda 5 adamnyń ólimine qatysy bar eki JShS dırektory 4 jylǵa bas bostandyǵynan aıyryldy, dep habarlaıdy QazAqparat tilshisi.

Eske sala keteıik, ótken jyldyń aqpan aıynda ýly gazdan ýlaný saldarynan áıel men onyń kámeletke tolmaǵan 4 balasy qaza tapqan bolatyn.

Kópbalaly ana 41 jasta edi. Al, eń kishi balasy 4 jasta.

Tótenshe oqıǵadan tek Shymkentte em qabyldap jatqan otaǵasy ǵana aman qaldy.

Atalǵan is boıynsha tergeý shamamen jeti aıǵa sozyldy. Túrli saraptamalar júrgizilip, dálelder jınaqtaldy.

Nátıjesinde aıyptaý aktisi bar is sotqa joldanǵan bolatyn.

«Bolashaqta mundaı qaıǵyly jaǵdaıdy boldyrmaý men aldyn alý úshin biz atalǵan is boıynsha muqııat jumys istedik. QR QK 306-baby 3-bóligi boıynsha sotqa deıingi tergeý júrgizildi. Birden sot-tehnologııalyq saraptama taǵaıyndadyq. Nátıjesinde mamandar gaz jelilerin ornatý jáne montajdaý 4.03-01-2011 j. QR qurylys normalaryna sáıkes kelmeıdi degen qorytyndy berdi. ıAǵnı, gaz jabdyqtaryn ornatý kezinde jaýapty mamandar birqatar qatelik jibergen. Eń bastysy, tutynýshylardyń qaýipsizdigi qamtamasyz etilmegen, al bul árıne, adam ólimine alyp keledi», - dedi oblystyq polıtsııa departamenti tergeý basqarmasynyń bastyǵy, polıtsııa polkovnıgi Nurmahan Jalǵasov.

Túrkistan qalasynyń soty atalǵan is boıynsha úkim shyǵardy. Eki birdeı gaz kompanııasynyń dırektory 4 jylǵa bas bostandyǵynan aıryldy.


Joǵary qaraı